U rajonie płoščy Banhałor u Minsku źmianiłasia schiema ruchu. Što važna viedać kiroŭcam
U rajonie skryžavańnia vulic Maksima Bahdanoviča i Kulman u Minsku źmianiłasia arhanizacyja darožnaha ruchu. Jak paviedamlaje «Minsk-Naviny», źmieny zakranuli aŭtamabilistaŭ, jakija jeduć ad płoščy Banhałor.
Novaŭviadzieńnie datyčycca vadzicielaŭ, jakija nakiroŭvajucca z boku pł. Banhałor da skryžavańnia: adrazu za rehulavanym piešachodnym pierachodam, jaki viadzie ad doma № 78 da parku Družby narodaŭ, prajeznaja častka rezka sychodzić naprava i dalej prachodzić pa źvilistaj trajektoryi. Pra heta pakazvaje darožny znak. Chutkaść ruchu transpartu abmiežavanaja 40 km/h.
U astatnim ničoha nie źmianiłasia: na skryžavańni ź pieršaj pałasy možna jechać prama i pavaročvać naprava na vuł. Kulman u bok vuł. Krapotkina, z astatnich dvuch — tolki prama. Z supraćlehłaha kirunku ruch transpartnych srodkaŭ za skryžavańniem arhanizavany ŭ pramym kirunku.
Pavarot naprava na vuł. Kulman u napramku vuł. Kujbyšava pa-raniejšamu začynieny.
Kamientary