Sieryjny złodziej zalez u dom, vypiŭ, zakusiŭ i palažaŭ na kanapie. Jaho znajšli pa pachu
Mužčyna, kab adpačyć u čužym domie, navat nadzieŭ na paduški śviežyja navałački. Jany i dapamahli jaho złavić.
U listapadzie 2024 hoda nieviadomy zalez u dačny dom u pasiołku Žardzianski Śvietłahorskaha rajona, kali haspadaroŭ tam nie było. U čužym domie jon znajšoŭ ałkahol i pradukty. Mužčyna vypiŭ, zakusiŭ, pakłaŭ posud u vadu, a potym vyrašyŭ adpačyć. Jon nadzieŭ čystyja navałački na paduški, palažaŭ na kanapie, a potym pajšoŭ.
Nieŭzabavie haspadary daviedalisia, što ŭ ich daču niechta ŭłamaŭsia, i vyklikali milicyju. Razam ź siłavikami pryjechali ekśpierty. Jany zaŭvažyli, što navałački niečym pachnuć.
Na navałačkach praviali adarałahičnuju, to-bok pachavuju, ekśpiertyzu. Pa jaje vynikach na adnoj ź ich vyjavili pachavy śled čałavieka, raskazali ŭ Dziaržkamitecie sudovych ekśpiertyz.
U chodzie rasśledavańnia milicyjaniery vyjšli na čałavieka, jaki moh być datyčny da sieryi kradziažoŭ. Im akazaŭsia raniej sudzimy biazdomny.
U mužčyny ŭziali ŭzory dla adarałahičnaj ekśpiertyzy, jakaja pakazała, što pachavy śled, znojdzieny na navałačcy, naležyć mienavita padazravanamu. Jak vyśvietliłasia, zatrymany byŭ datyčny jašče da vaśmi złačynstvaŭ u Homielskaj vobłaści.
Ciapier čytajuć
Aryštavany dyrektar Pałaca Respubliki, adzin z arhanizataraŭ Marafona adzinstva6
Kamientary