Učora rasijskija vojski praviali šturm na Zaparožskim kirunku, zadziejničaŭšy davoli vialikuju šturmavuju hrupu — kala 320 čałaviek asabovaha składu i 40 adzinak vajennaj techniki. Ale ataka pravaliłasia.
U skład šturmavoj hrupy ŭvajšli padraździaleńni ź niekalkich pałkoŭ 58-j armii US RF, pišuć Siły abarony Poŭdnia Ukrainy.
Vierahodna, rasijanie raźličvali prarvać ukrainskuju liniju abarony mahutnym udaram na troch učastkach pa linii Piacichatki — Stepavaje — Łabkovaje, Małyja Ščarbaki i Małaja Takmačka.
Jak paviedamlajuć Siły abarony Poŭdnia Ukrainy, pavietranaja raźviedka zahadzia vyjaviła vyłučeńnie praciŭnika. Byli naniesienyja ŭdary bieśpiłotnymi latalnymi aparatami i artyleryjaj.
Pieršaje paražeńnie rasijskaj bajavoj techniki (źniščana try BMP) adbyłosia za 8 km da linii bajavoha sutyknieńnia.
Boj doŭžyŭsia bolš za dźvie z pałovaj hadziny, ukrainskija siły nanosili ahniavoje paražeńnie pa šturmavikach.
Pavodle ŭkrainskaha boku, źniščana 29 adzinak rasijskaj techniki, 140 čałaviek asabovaha składu, paškodžany try tanki.
«Nivodnaj pazicyi siły abarony Ukrainy nie stracili», — zapeŭnivajuć Siły abarony Poŭdnia.
Ciapier čytajuć
Na Šry-Łancy ŭ 37 hadoŭ pamior biełaruski kinapradziusar Andrej Matałyha2
Kamientary