Pradstaŭnik Trampa abvierhnuŭ publikacyju The Times pra padzieł Ukrainy na manier paślavajennaha Bierlina
Śpiecpradstaŭnik Trampa Kit Kiełah abvierhnuŭ artykuł The Times pra imavierny padzieł Ukrainy na manier padziełu Bierlina paśla 1945 hoda.
«Ja nie mieŭ na ŭvazie padzieł Ukrainy. Havorka išła pra siły ŭmacavańnia paśla spynieńnia ahniu, pra zony adkaznaści sajuźnickich sił», — skazaŭ jon.
«Abmiarkoŭvajučy pytańnie ab padziele, ja mieŭ na ŭvazie rajony abo zony adkaznaści sił sajuźnikaŭ (biez amierykanskich vojskaŭ). Ja nie mieŭ na ŭvazie padzieł Ukrainy», — dadaŭ jon.
Raniej The Times napisaŭ, što Kit Kiełah prapanavaŭ padzialić Ukrainu jak paślavajenny Bierlin u ramkach mirnaha pahadnieńnia.
Nibyta pavodle jaho słoŭ:
— Rasija kantraluje ŭschod Ukrainy, a na zachadzie mohuć źjavicca brytanskija i francuzskija siły jak častka «harantyjnaj misii»;
— ZŠA nie buduć nakiroŭvać suchaputnyja vojski, ale mohuć udzielničać u kaardynacyi;
— pamiž armijami Ukrainy i Rasijaj prapanujecca stvaryć bufiernuju zonu šyrynioj 18 mil;
— novyja vybary va Ukrainie mohuć adbycca paśla zaklučeńnia pieramirja.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary