Pradstaŭnik Trampa: Ukrainu možna padzialić, jak paślavajenny Bierlin u miežach mirnaha pahadnieńnia
Śpiecpradstaŭnik Trampa pa Ukrainie hienierał Kit Kiełah prapanavaŭ płan spynieńnia ahniu, pavodle jakoha Ukrainu možna było b faktyčna padzialić na zony ŭpłyvu, jak heta było ź Bierlinam paśla Druhoj suśvietnaj vajny, piša UNIAN sa spasyłkaj na The Times.
Pavodle jaho słoŭ:
— Rasija kantraluje ŭschod Ukrainy, a na zachadzie mohuć źjavicca brytanskija i francuzskija siły jak častka «harantyjnaj misii»;
— ZŠA nie buduć nakiroŭvać suchaputnyja vojski, ale mohuć udzielničać u kaardynacyi;
— pamiž armijami Ukrainy i Rasijaj prapanujecca stvaryć bufiernuju zonu šyrynioj 30 km;
— novyja vybary va Ukrainie mohuć adbycca paśla zaklučeńnia pieramirja;
— Kiełah papiaredziŭ Jeŭropu: nie varta raźličvać na vajennuju padtrymku ZŠA, kali jana nie budzie hatovaja dziejničać samastojna.
Paźniej Kiełah abvierhnuŭ publikacyju The Times.
«Ja nie mieŭ na ŭvazie padzieł Ukrainy. Havorka išła pra siły ŭmacavańnia paśla spynieńnia ahniu, pra zony adkaznaści sajuźnickich sił», — skazaŭ jon.
Paślavajenny Bierlin byŭ taksama padzieleny, jak i Hiermanija, na čatyry zony: savieckuju, amierykanskuju, brytanskuju i francuzskuju. U 1949 hoda ŭ vyniku ŭźniknieńnia HDR i FRH horad padzialiŭsia na Uschodni (saviecki) i Zachodni Bierliny. Płošča Zachodniaha była 479 kvadratnych kiłamietraŭ, Uschodniaha — 409 kvadratnych kiłamietraŭ.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary
A "kaalicyi achvočych" užo naŭrad ci słovy ci mierkavańni ZŠA buduć hrać vialikuju rolu. Dzie vysadziać vojski, tam i buduć, što by tam ZŠA ni mierkavali.