Прадстаўнік Трампа: Украіну можна падзяліць, як пасляваенны Берлін у межах мірнага пагаднення
Спецпрадстаўнік Трампа па Украіне генерал Кіт Келаг прапанаваў план спынення агню, паводле якога Украіну можна было б фактычна падзяліць на зоны ўплыву, як гэта было з Берлінам пасля Другой сусветнай вайны, піша УНІАН са спасылкай на The Times.
Паводле яго слоў:
— Расія кантралюе ўсход Украіны, а на захадзе могуць з’явіцца брытанскія і французскія сілы як частка «гарантыйнай місіі»;
— ЗША не будуць накіроўваць сухапутныя войскі, але могуць удзельнічаць у каардынацыі;
— паміж арміямі Украіны і Расіяй прапануецца стварыць буферную зону шырынёй 30 км;
— новыя выбары ва Украіне могуць адбыцца пасля заключэння перамір’я;
— Келаг папярэдзіў Еўропу: не варта разлічваць на ваенную падтрымку ЗША, калі яна не будзе гатовая дзейнічаць самастойна.
Пазней Келаг абвергнуў публікацыю The Times.
«Я не меў на ўвазе падзел Украіны. Гаворка ішла пра сілы ўмацавання пасля спынення агню, пра зоны адказнасці саюзніцкіх сіл», — сказаў ён.
Пасляваенны Берлін быў таксама падзелены, як і Германія, на чатыры зоны: савецкую, амерыканскую, брытанскую і французскую. У 1949 года ў выніку ўзнікнення ГДР і ФРГ горад падзяліўся на Усходні (савецкі) і Заходні Берліны. Плошча Заходняга была 479 квадратных кіламетраў, Усходняга — 409 квадратных кіламетраў.
-
Зяленскі правёў кансультацыі з камандзірамі карпусоў і доўга размаўляў з Фёдаравым. Фёдараў: Дыялог ёсць, веру, што ўсё ўдасца
-
Жонка закаціла скандал, а ён усё адно паехаў у акопы. Гісторыя беларуса, які апынуўся на вайне праз даўгі і страх страціць жыллё
-
Пасля атакі па двух складах Wildberries маглі пацярпець да 15% складскіх плошчаў кампаніі
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары
А "кааліцыі ахвочых" ужо наўрад ці словы ці меркаваньні ЗША будуць граць вялікую ролю. Дзе высадзяць войскі, там і будуць, што бы там ЗША ні меркавалі.