Minadukacyi źmianiła patrabavańni dla biełaruskich školnikaŭ. Za što pierastanuć źnižać adznaki
Źmieny datyčacca dyktoŭki i tvorčych rabot pa biełaruskaj i ruskaj movach u pačatkovaj, siaredniaj i starejšaj škole.
Ministerstva adukacyi svajoj pastanovaj uniesła źmianieńni ŭ normy acenki vynikaŭ vučebnaj dziejnaści pa pradmietach «Biełaruskaja mova» i «Ruskaja mova», piša 1prof.by.
U pryvatnaści dla pačatkovaj škoły (1-4 kłasy) pa biełaruskaj i ruskaj movach źmianiajucca normy acenki słoŭnikavaj dyktoŭki. Jany stanuć bolš łajalnymi.
Naprykład, pry najaŭnaści adnoj niahrubaj pamyłki zaraz možna atrymać «9». Raniej «dziaviatku» stavili, kali takich niama zusim, ale prysutničaje adno vypraŭleńnie na miescy niahrubaj pamyłki.
Acenku «7» zaraz pastaviać za dźvie pamyłki (raniej — za adnu), «6» — za try pamyłki (raniej — dźvie), «5» — 4 pamyłki (raniej — try), «4» — 5 pamyłak (raniej — 4), «3» — 6 pamyłak (raniej — 5), «2» — 7 pamyłak (raniej — 7). Dakładna takija ž patrabavańni pryniaty i dla vučniaŭ siaredniaj i starejšaj škoły ŭ 5-11 kłasach.
Taksama bolš łajalnymi stali normy acenki tekstavaj dyktoŭki i tvorčych rabot pa biełaruskaj i ruskaj movach.
Kamientary