Paśla pačatku pieramoŭ ab pieramirji rasijskaja armija pravodzić rekordnuju kolkaść «miasnych šturmaŭ»
Rasijskaja armija va Ukrainie rezka pavialičyła kolkaść šturmavych apieracyj paśla pačatku pieramoŭ ab pieramirji, jakija Kreml viadzie pry pasiarednictvie ZŠA, piša The Moscow Times.
Za pieryjad 1 da 26 sakavika rasijskija vojski praviali na 17% bolš šturmavych napadaŭ, čym za ŭvieś luty, padličyŭ ukrainski OSINT-prajekt DeepState.
Za 25-27 sakavika rasijskaja armija pravodziła ŭ siarednim bolš za 200 šturmaŭ kožny dzień — i heta rekord z pačatku 2025 hoda, adznačaje DeepState.
Nastupleńnie zasiarodžana na Kupianskim, Limanskim, Tareckim, Uramiejeŭskim i Kurskim adrezkach frontu, a najbolš ciažkaja situacyja, jak piša DeepState, skłałasia pad Pakroŭskam — klučavym łahistyčnym centram USU ŭ Danieckaj vobłaści, praź jaki zabiaśpiečvajucca ŭkrainskija siły ŭ rehijonie.
Rasijskija vojski taksama ŭzmacnili šturmy małymi hrupami na Zaparožskim kirunku, paviedamiŭ u piatnicu pres-sakratar Sił abarony Poŭdnia Ukrainy Uładzisłaŭ Vałošyn.
Nastupleńnie ŭ vobłaści, jakuju US RF kantralujuć na hety momant tolki na 70%, pačaŭsia ŭ pieršych čysłach sakavika, a ŭ siaredzinie miesiaca, pavodle źviestak Z-vajenkaraŭ, vojskam udałosia prarvać abaronu USU na šyryniu 10 km i hłybiniu 5 km i ŭziać pad svoj kantrol niekalki siołaŭ.
«Rasijanie chočuć atrymać jak maha bolš fory, jak maha dalej prasunucca ŭ Zaparožskaj vobłaści, kali zmohuć, navat vyjści na administracyjnyja miežy vobłaści. Heta adna z pryčyn taho, što situacyja na poŭdni Ukrainy, i ŭ pryvatnaści na zaparožskich kirunkach, pačynaje krychu abvastracca», — rastłumačyŭ Vałošyn.
«Miasnyja šturmy» pavialičvajuć straty ŭ vojskach, jakija, pa danych brytanskaj raźviedki, pa stanie na sakavik dasiahnuli 900 tysiač čałaviek, u tym liku 200-250 tysiač zabitymi.
Ciapier rasijskija vojski znachodziacca na adlehłaści prykładna za 25 km ad Zaparožža, ale ŭkrainskaj abaronie «nie chapaje hłybini», kab efiektyŭna strymać mahčymy nastup, pisali raniej ekśpierty Amierykanskaha instytuta vyvučeńniaŭ vajny. Hetak ža, pa ich acency, iduć spravy na Charkaŭskim froncie i kala klučavych haradoŭ Danbasa, jakija mohuć apynucca pad pahrozaj, kali abarona daść «raskolinu».
Rasija na pieramovach z ZŠA nastojvaje na tym, kab usie čatyry vobłaści Ukrainy — Danieckaja, Łuhanskaja, Zaparožskaja i Chiersonskaja — pierajšli pad jaje kantrol u administracyjnych miežach, raskazvali raniej krynicy The Moscow Times, znajomyja z pazicyjaj vyšejšaha kiraŭnictva Rasii.
Uitkaf pra akupavanyja ŭkrainskija terytoryi: Pieravažnaja bolšaść ludziej pakazała, što choča być pad uładaj Rasii
Pucin prapanavaŭ uvieści źniešniaje kiravańnie va Ukrainie dla praviadzieńnia vybaraŭ i paabiacaŭ dabić USU
Tramp: Na pieramovach u Er-Ryjadzie abmiarkoŭvajucca terytaryjalnyja pytańni i vałodańnie AES
Rasija na pieramovach u Saudaŭskaj Aravii patrabuje ŭsiu terytoryju čatyroch ukrainskich abłaściej
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4949
Kamientary
[Zredahavana]