Пасля пачатку перамоў аб перамір'і расійская армія праводзіць рэкордную колькасць «мясных штурмаў»
Расійская армія ва Украіне рэзка павялічыла колькасць штурмавых аперацый пасля пачатку перамоў аб перамір'і, якія Крэмль вядзе пры пасярэдніцтве ЗША, піша The Moscow Times.
За перыяд 1 да 26 сакавіка расійскія войскі правялі на 17% больш штурмавых нападаў, чым за ўвесь люты, падлічыў украінскі OSINT-праект DeepState.
За 25-27 сакавіка расійская армія праводзіла ў сярэднім больш за 200 штурмаў кожны дзень — і гэта рэкорд з пачатку 2025 года, адзначае DeepState.
Наступленне засяроджана на Купянскім, Ліманскім, Тарэцкім, Урамееўскім і Курскім адрэзках фронту, а найбольш цяжкая сітуацыя, як піша DeepState, склалася пад Пакроўскам — ключавым лагістычным цэнтрам УСУ ў Данецкай вобласці, праз які забяспечваюцца ўкраінскія сілы ў рэгіёне.
Расійскія войскі таксама ўзмацнілі штурмы малымі групамі на Запарожскім кірунку, паведаміў у пятніцу прэс-сакратар Сіл абароны Поўдня Украіны Уладзіслаў Валошын.
Наступленне ў вобласці, якую УС РФ кантралююць на гэты момант толькі на 70%, пачаўся ў першых чыслах сакавіка, а ў сярэдзіне месяца, паводле звестак Z-ваенкараў, войскам удалося прарваць абарону УСУ на шырыню 10 км і глыбіню 5 км і ўзяць пад свой кантроль некалькі сёлаў.
«Расіяне хочуць атрымаць як мага больш форы, як мага далей прасунуцца ў Запарожскай вобласці, калі змогуць, нават выйсці на адміністрацыйныя межы вобласці. Гэта адна з прычын таго, што сітуацыя на поўдні Украіны, і ў прыватнасці на запарожскіх кірунках, пачынае крыху абвастрацца», — растлумачыў Валошын.
«Мясныя штурмы» павялічваюць страты ў войсках, якія, па даных брытанскай разведкі, па стане на сакавік дасягнулі 900 тысяч чалавек, у тым ліку 200-250 тысяч забітымі.
Цяпер расійскія войскі знаходзяцца на адлегласці прыкладна за 25 км ад Запарожжа, але ўкраінскай абароне «не хапае глыбіні», каб эфектыўна стрымаць магчымы наступ, пісалі раней эксперты Амерыканскага інстытута вывучэнняў вайны. Гэтак жа, па іх ацэнцы, ідуць справы на Харкаўскім фронце і каля ключавых гарадоў Данбаса, якія могуць апынуцца пад пагрозай, калі абарона дасць «расколіну».
Расія на перамовах з ЗША настойвае на тым, каб усе чатыры вобласці Украіны — Данецкая, Луганская, Запарожская і Херсонская — перайшлі пад яе кантроль у адміністрацыйных межах, расказвалі раней крыніцы The Moscow Times, знаёмыя з пазіцыяй вышэйшага кіраўніцтва Расіі.
Уіткаф пра акупаваныя ўкраінскія тэрыторыі: Пераважная большасць людзей паказала, што хоча быць пад уладай Расіі
Пуцін прапанаваў увесці знешняе кіраванне ва Украіне для правядзення выбараў і паабяцаў дабіць УСУ
Трамп: На перамовах у Эр-Рыядзе абмяркоўваюцца тэрытарыяльныя пытанні і валоданне АЭС
Расія на перамовах у Саудаўскай Аравіі патрабуе ўсю тэрыторыю чатырох украінскіх абласцей
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары
[Зрэдагавана]