Uitkaf pra akupavanyja ŭkrainskija terytoryi: Pieravažnaja bolšaść ludziej pakazała, što choča być pad uładaj Rasii
Śpiecpasłańnik prezidenta ZŠA Donalda Trampa ŭ intervju Takieru Karłsanu zajaviŭ, što Krym i «tak zvanyja čatyry rehijony: Danbas, Łuhansk i jašče dva (Zaparožskaja vobłaść i Maryupal)» źjaŭlajucca hałoŭnymi pieraškodami dla ŭrehulavańnia vajny, jakuju raspačała Rasija, piša «Ukrainskaja praŭda».
«Jany ruskamoŭnyja, byli refierendumy, dzie pieravažnaja bolšaść ludziej pakazała, što choča być pad uładaj Rasii. Ja liču, što heta klučavoje pytańnie kanfliktu», — skazaŭ Uitkaf, jaki na minułym tydni naviedvaŭ Maskvu i razmaŭlaŭ z Pucinym.
Uitkaf dadaŭ, što heta — pytańnie pieršačarhovaje, i vakoł jaho ciapier, pavodle jaho słoŭ, viadziecca «vielmi pazityŭnaja razmova».
Na jaho dumku, heta zaŭsiody było prablemaj, niahledziačy na toje, što, maŭlaŭ, nichto nie choča pra heta havaryć adkryta.
«Heta słon u pakoi. Słon u pakoi — heta kanstytucyjnyja pytańni ŭnutry Ukrainy pra toje, čym jany mohuć achviaravać, kali havorka idzie pra admovu ad terytoryj.
Rasijanie de-fakta kantralujuć hetyja terytoryi. Pytańnie ŭ tym, ci pryznaje śviet, što heta — rasijskija terytoryi? I ci zdoleje Zialenski palityčna vyžyć, kali pryznaje heta? Voś što źjaŭlajecca centralnym pytańniem kanfliktu. Absalutna», — skazaŭ jon.
Ciapier čytajuć
U minskim mietro prachodziać vyprabavańni novyja ciahniki FOTY2
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary
Nu i takija vysnovy. Hety dynazaŭr - maju na ŭvazie Trampa ź jaho palitykaj - usie ž vidavočna razvalić hety suśviet i raspačnie nanoŭ epochu PIERADZIEŁU śvietu pa terytoryjach. Pryčym LITARALNA.