Suprać pravaabaroncy Leanida Sudalenki zaviali novuju kryminalnuju spravu
Śledčy kamitet Biełarusi zavočna zavioŭ čarhovuju kryminalnuju spravu za «sadziejničańnie ekstremisckaj dziejnaści» suprać pravaabaroncy i byłoha palitviaźnia, asudžanaha da piaci hadoŭ kałonii, Leanida Sudalenki, paviedamlaje @Mayday.
26 sakavika pa miescy rehistracyi ŭ Homieli pryjšli niekalki siłavikoŭ i prakuror, kab skłaści akt ab jaho adsutnaści doma. Heta ŭžo treciaja kryminalnaja sprava suprać pravaabaroncy.
Pravaabaronca ličyć, što jahony pieraśled — heta prykład taho, jak režym sprabuje prymusić zamaŭčać tych, chto adstojvaje svabodu i spraviadlivaść:
«Ja budu praciahvać pracu na mižnarodnaj arenie i źviartacca da ŭsiaho śvietu ŭ zmahańni z režymam, jaki parušaje pravy i svabody biełarusaŭ. Da termina ŭ piać hadoŭ mnie chočuć dadać jašče siem, a potym tak i da 30 mahčymych u Biełarusi hod pazbaŭleńnia voli, ale hetym mianie ŭžo nie spynić, bo maje pierakanańni ŭ praŭdzie».
Heta ŭžo treciaja sprava suprać Sudalenki. U listapadzie 2021 hoda jon byŭ asudžany na try hady, a paśla vyzvaleńnia źjechaŭ ź Biełarusi, adnak represii suprać jaho nie spynilisia.
U 2024 hodzie pravaabaroncu zavočna prysudzili jašče da 5 hadoŭ.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary