U Babrujskaj krepaści padčas restaŭracyi znajšli tysiačy starych patronaŭ
U Babrujskaj krepaści pry praviadzieńni restaŭracyjnych rabot znajšli vialikuju kolkaść patronaŭ mierkavana časoŭ Druhoj suśvietnaj vajny. Pa ich va ŭpraŭleńni Dziaržaŭnaha kamiteta sudovych ekśpiertyz pa Mahiloŭskaj vobłaści praviedzieny sudovyja balistyčnyja ekśpiertyzy.
Usiaho na daśledavańnie pastupiła bolš za čatyry tysiačy patronaŭ i ich elemientaŭ. Jak vyznačyli ekśpierty, usie patrony vyrablenyja zavodskim sposabam i źjaŭlajucca bojeprypasami pieršaj pałovy XX stahodździa.
Pavodle vysnoŭ ekśpiertaŭ, ź liku ŭsich pradstaŭlenych patronaŭ bolš za 1900 źjaŭlajucca vajskovymi patronami 7,62ch54R da avijacyjnaha savieckaha kulamiota «Škas» (Špitalnaha-Kamaryckaha avijacyjny chutkastrelny), bolš za 2000 — niamieckimi patronami 7,92ch57 da piachotnych vintovak sistemy Maiѕieh. Jašče dva abjekty źjaŭlajucca francuzskimi vintovačnymi patronami 7,5Ch54 MAS da vintovak «Sient-Ećjen» i ručnych kulamiotaŭ «Šatelro».
Z-za ŭmoŭ zachoŭvańnia i vialikaha časavaha pramiežku patrony značna paržaviełyja. Niahledziačy na heta, niekatoryja z abjektaŭ, jakija pastupili na ekśpiertyzu, pryznanyja prydatnymi dla stralby.
Krepaść u Babrujsku pabudavanaja jašče napiaredadni vajny z Napaleonam. U Druhuju suśvietnuju vajnu, paśla zaniaćcia horada niemcami ŭ 1941 hodzie, u krepaści raźmiaščaŭsia kancentracyjny łahier dla savieckich vajennapałonnych.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m18
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1111
Kamientary