Renavacyja pahražaje histaryčnym pomnikam. «Metazhodnaść ich kapramontu adsutničaje»
Ministr žyllova-kamunalnaj haspadarki ličyć, što budynki XIX stahodździa nie adpaviadajuć sučasnym patrabavańniam, tamu dziaržavie treba ich znosić i budavać na ich miescy novyja.
Pra toje, jakoje žyllo nie maje sensu ramantavać kapitalna, Hienadź Trubiła raspavioŭ u efiry «Pieršaha infarmacyjnaha».
«Sastarełaha žylla jak takoha ŭ nas niašmat. Ale majem žyllo, jakoje ŭžo nie adpaviadaje sučasnym patrabavańniam. Płaniroŭki kuchniaŭ — 5—6 kvadratnych mietraŭ, a dzie-nidzie i 4 mietry.
U Babrujsku jašče stajać damy 1876 hoda. Metazhodnaść ich kapitalnaha ramontu, na maju dumku, całkam adsutničaje, bo vydatki na ramont pieravyšajuć košt budaŭnictva novaha žylla.
Tamu my ciapier pracujem nad hetym pytańniem i ŭ nastupnuju piacihodku ŭsio ž taki prapanujem miechanizm renavacyi žyllovaha fondu, kab takija damy, jakija ŭžo nie adpaviadajuć patrabavańniam kamfortnaha pražyvańnia, znosić i budavać na ich miescy novyja», — zajaviŭ ministr.
Ministr, nazyvajučy dakładnuju datu, vidać, maje na ŭvazie niejki kankretny budynak. Praŭda, budynak 1876 hoda možna nazvać adnoj najstarejšych pabudoŭ horada, bo histaryčny Babrujsk byŭ źniesieny ŭ pačatku XIX stahodździa pad rasijskuju krepaść, a zabudova farštataŭ zbolšaha naležyć da pačatku XX stahodździa.
Histaryčny centr Babrujska — adzin z samych vialikich, celnych i dobra zachavanych u Biełarusi, ale aficyjny status jon zajmieŭ tolki ŭ 2022 hodzie. Praŭda, pad achovu ŭziataja tolki nievialikaja častka histaryčnych budynkaŭ u jaho miežach, astatnija mohuć być pryznanyja nieadpaviednymi «patrabavańniam kamfortnaha pražyvańnia» i źniesieny ŭ ramkach abvieščanaj renavacyi.
U čas maskoŭskaj renavacyi ŭ śpis pad znos spačatku zanieśli bolš za dźvie sotni kaštoŭnych histaryčnych budynkaŭ, ale ich udałosia adstajać hramadskim arhanizacyjam, jakija zajmajucca achovaj kulturnaj spadčyny. U Biełarusi ŭsie padobnyja arhanizacyi byli likvidavanyja paśla 2020 hoda.
«Naša Niva» — bastyjon biełaruščyny
PADTRYMAĆCiapier čytajuć
Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2
Kamientary
Hetyja mankurty nijak nie razumiejuć, što takoje spadčyna.
Zadača stoit (hłobalno) - lišiť biełArusov korniej, samoidientifikacii. HłavDojara obosranych korov dla etoho i dieržat na dołžnosti priedsiedatiela.