Рэнавацыя пагражае гістарычным помнікам. «Мэтазгоднасць іх капрамонту адсутнічае»
Міністр жыллёва-камунальнай гаспадаркі лічыць, што будынкі XIX стагоддзя не адпавядаюць сучасным патрабаванням, таму дзяржаве трэба іх зносіць і будаваць на іх месцы новыя.
Пра тое, якое жыллё не мае сэнсу рамантаваць капітальна, Генадзь Трубіла распавёў у эфіры «Першага інфармацыйнага».
«Састарэлага жылля як такога ў нас няшмат. Але маем жыллё, якое ўжо не адпавядае сучасным патрабаванням. Планіроўкі кухняў — 5—6 квадратных метраў, а дзе-нідзе і 4 метры.
У Бабруйску яшчэ стаяць дамы 1876 года. Мэтазгоднасць іх капітальнага рамонту, на маю думку, цалкам адсутнічае, бо выдаткі на рамонт перавышаюць кошт будаўніцтва новага жылля.
Таму мы цяпер працуем над гэтым пытаннем і ў наступную пяцігодку ўсё ж такі прапануем механізм рэнавацыі жыллёвага фонду, каб такія дамы, якія ўжо не адпавядаюць патрабаванням камфортнага пражывання, зносіць і будаваць на іх месцы новыя», — заявіў міністр.
Міністр, называючы дакладную дату, відаць, мае на ўвазе нейкі канкрэтны будынак. Праўда, будынак 1876 года можна назваць адной найстарэйшых пабудоў горада, бо гістарычны Бабруйск быў знесены ў пачатку XIX стагоддзя пад расійскую крэпасць, а забудова фарштатаў збольшага належыць да пачатку XX стагоддзя.
Гістарычны цэнтр Бабруйска — адзін з самых вялікіх, цэльных і добра захаваных у Беларусі, але афіцыйны статус ён займеў толькі ў 2022 годзе. Праўда, пад ахову ўзятая толькі невялікая частка гістарычных будынкаў у яго межах, астатнія могуць быць прызнаныя неадпаведнымі «патрабаванням камфортнага пражывання» і знесены ў рамках абвешчанай рэнавацыі.
У час маскоўскай рэнавацыі ў спіс пад знос спачатку занеслі больш за дзве сотні каштоўных гістарычных будынкаў, але іх удалося адстаяць грамадскім арганізацыям, якія займаюцца аховай культурнай спадчыны. У Беларусі ўсе падобныя арганізацыі былі ліквідаваныя пасля 2020 года.
«Наша Нiва» — бастыён беларушчыны
ПАДТРЫМАЦЬЦяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі14
Каментары
Гэтыя манкурты ніяк не разумеюць, што такое спадчына.
Задача стоит (глобально) - лишить белАрусов корней, самоидентификации. ГлавДояра обосраных коров для этого и держат на должности председателя.