У Беларусі збіраюцца праводзіць рэнавацыю па шляху Расіі — зносіць хрушчоўкі і перасяляць жыхароў
Жыллёвая палітыка Беларусі да 2030 года прадугледжвае перасяленне гараджан у вёскі і знос хрушчовак. Пра гэта распавяла дэпутатка Палаты прадстаўнікоў Анжаліна Сырамятнікава.
Зараз Міністэрства архітэктуры і будаўніцтва распрацоўвае канцэпцыю дзяржаўнай жыллёвай палітыкі ў Беларусі да 2030 года.
Па словах Сырамятнікавай, у гэтай канцэпцыі будуць тры асноўныя кірункі: дэўрбанізацыя, рэнавацыя і павелічэнне аб'ёмаў будаўніцтва арэнднага жылля.
У вялікіх гарадах хочуць будаваць менш кватэр. Цяпер прыярытэт будзе на гарады-спадарожнікі і вёскі. Гэта, па меркаванні чыноўнікаў, дапаможа вярнуць кадры ў сельскую мясцовасць.
Тыя дамы, якія не мае сэнсу рамантаваць, хочуць зносіць. Гаворка тут пра хрушчоўкі. Рэнавацыю хочуць праводзіць «па шляху Расіі»:
«Гэта спадчына савецкага мінулага вычарпала сябе як маральна, паколькі мае малагабарытныя і прахадныя пакоі, так і фізічна — укладанне фінансавых сродкаў у капрамонт немэтазгодна», — адзначыла Сырамятнікава.
Цяпер чытаюць
Дзе была зніклая Яна ў свой апошні дзень і дзе яе знайшлі КАРТА1
Каментары
Людзі спрадвеку жылі толькі ў полісах, гарадах.
А тое, што сёння існуюць вёскі - рудзімент мінулага, калі людзей гадавалі як скот, каб яны працавалі ў полі.