У Беларусі зацвердзілі Канцэпцыю дзяржаўнай жыллёвай палітыкі Рэспублікі Беларусь да 2030 года. Зроблена гэта пастановай Саўміна ад 7 сакавіка 2025 года № 144, апублікаванай на Нацыянальным прававым партале.
Прыярытэтам у Канцэпцыі названыя забеспячэнне жыллём асобных катэгорый грамадзян, якія маюць патрэбу ў дзяржпадтрымцы, і рэнавацыя жылых дамоў, непрыдатных для пражывання, у тым ліку са зносам і ўзвядзеннем на іх месцы новых.
Таксама акцэнтуецца неабходнасць нарошчвання аб'ёмаў будаўніцтва арэнднага жылля і жылых памяшканняў сацыяльнага карыстання.
Згодна з планаванымі вынікамі, да 2030 года забяспечанасць насельніцтва агульнай плошчай жылля павінна вырасці з 29,9 да 33 «квадратаў» на аднаго чалавека. Пры гэтым долю арэнднага жылля і жылых памяшканняў сацыяльнага карыстання ў агульным аб'ёме жыллёвага фонду хочуць давесці да 5 працэнтаў.
Сярэдні кошт «квадрата» агульнай плошчы жылля, пабудаванага з дзяржпадтрымкай, не павінен перавышаць памеру намінальнай налічанай сярэдняй зарплаты.
Плануецца, што да 2030 года штогод не менш за 4 працэнты грамадзян (сем'яў), якія стаяць на ўліку, будуць атрымліваць жыллё і паляпшаць свае жыллёвыя ўмовы. У тым ліку 1,5 працэнта — пры дапамозе арэнднага жылля і жылых памяшканняў сацыяльнага карыстання, і 2,5 працэнта — узвядзення, рэканструкцыі, набыцця жылля.
Аб'ёмы рэканструкцыі (рэнавацыі) павінны складаць штогод не менш за 3 працэнты ад неўладкаванага жыллёвага фонду ў гарадах і не менш за 1 працэнт на вёсцы.
Долю агульнай плошчы жылля, абсталяванага вадаправодам і каналізацыяй, хочуць давесці: у гарадах і пасёлках — да не менш за 92 працэнты, на вёсцы — да не менш за 60 працэнтаў.
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары