Tramp zajaviŭ, što «mnohija elemienty» mirnaha pahadnieńnia ŭžo ŭzhodnienyja
Prezident ZŠA Donald Tramp zajaviŭ, što mnohija elemienty mirnaha pahadnieńnia ab Ukrainie byli ŭzhodnienyja z rasiejskim lidaram Uładzimiram Pucinym napiaredadni ich telefonnaj razmovy ŭ aŭtorak, piša Bi-bi-si.
U svajoj sacsietcy Truth Social Tramp paćvierdziŭ, što razmova adbudziecca ranicaj pa časie Vašynhtona (+7 hadzin pa biełaruskim časie).
«Ranicaj u aŭtorak ja budu havaryć z prezidentam Pucinym pra vajnu va Ukrainie. Mnohija elemienty kančatkovaha pahadnieńnia byli ŭzhodnieny, ale mnohaje jašče treba budzie zrabić. Tysiačy maładych sałdat i inšyja ludzi hinuć. Kožny tydzień hinuć 2500 sałdat z abodvuch bakoŭ, i heta pavinna spynicca nieadkładna. Ja ź nieciarpieńniem čakaju razmovy z prezidentam Pucinym», — napisaŭ jon.
Raniej Tramp i Bieły dom zajaŭlali, što ŭ razmovie, u pryvatnaści, budzie abmiarkoŭvacca pytańnie terytoryj, a taksama situacyja ŭ Kurskaj vobłaści i na Zaparožskaj AES, jakaja znachodzicca pad kantrolem rasijskich vojskaŭ.
U Kramli zajavili, što nie buduć raskryvać detali nastupnaj razmovy.
Ciapier čytajuć
Dzie Mikałaj Statkievič? Ź miažy jaho zabrali nieviadomyja ŭ maskach. Voś, što viadoma na hety momant19
Kamientary
Ź Jeŭropaj i Ukrainaj jon pastupaje tak jak jany zasłuhoŭvajuć.
Z Rasijaj- tak kab spynić vajnu.
Vynikam pavodzin Trampa stanie kaniec vajny i ŭzmacnieńnie Jeŭropy i ZŠA.
Spyńnieńnie vydatkaŭ na niepatpenyja śmi naprašvałasia daŭno. Ź ich nijakaj karyści nie było nikoli.