Dziaržsakratar ZŠA abviaściŭ ab radykalnym skaračeńni dapamohi pa USAID paśla šaścitydniovaj inśpiekcyi.
ZŠA skaračajuć 83% prahram Ahienctva pa mižnarodnym raźvićci (USAID). Buduć admienieny 5200 kantraktaŭ pa mižnarodnaj dapamozie.
Pra heta zajaviŭ dziaržaŭny sakratar ZŠA Marka Rubia ŭ tvitary.
«Paśla šaścitydniovaha ahladu my aficyjna admienim 83% prahram USAID. 5200 kantraktaŭ, jakija ciapier anulavanyja, patracili dziasiatki miljardaŭ dołaraŭ takim čynam, jaki nie słužyŭ (a ŭ niekatorych vypadkach navat škodziŭ) asnoŭnym nacyjanalnym intaresam ZŠA», — napisaŭ Rubia.
Astatnija 18% prahram buduć pieradadzieny ŭ kiravańnie Dziarždepartamientu. Rubia padziakavaŭ Departamientu efiektyŭnaści ŭrada, jaki ŭznačalvaje Iłan Mask, za supracoŭnictva ŭ «dasiahnieńni hetaj daŭno naśpiełaj i histaryčnaj reformy».
USAID — heta niezaležnaje ahienctva z ułasnym biudžetam, jakoje adkazvała za kiravańnie amierykanskimi prahramami źniešniaj dapamohi i raźvićcia.
Ahienctva było stvorana ŭ 1961 hodzie pry administracyi prezidenta Džona F. Kienedzi i stała humanitarnym padraździaleńniem urada ZŠA. Štohod jano vydzialaje miljardy dalaraŭ na baraćbu ź biednaściu, lačeńnie chvarob, likvidacyju nastupstvaŭ hoładu i stychijnych biedstvaŭ. Akramia taho, USAID «sadziejničaje pabudovie demakratyi i raźvićciu hramadstva», padtrymlivajučy niaŭradavyja arhanizacyi, niezaležnyja ŚMI i sacyjalnyja inicyjatyvy.
U 2023 hodzie USAID patraciła kala 38,1 miljarda dalaraŭ na svaje prajekty, što składaje kala 0,6% usich dziaržaŭnych vydatkaŭ ZŠA (6,1 tryljona dalaraŭ).
Z prychodam da ŭłady Tramp abvinavaciŭ USAID u karupcyi i zahadaŭ zamarozić amal usiu zamiežnuju dapamohu ZŠA, zajaviŭšy, što jaho administracyja pierahledzić vydatki, kab upeŭnicca, što hrošy raźmiarkoŭvajucca ŭ adpaviednaści ź jaho źniešniaj palitykaj «Amieryka vyšej za ŭsio».
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»21
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary