«Tuman vajny stanie dla USU značna bolš hustym». Da čaho moža pryvieści admova ZŠA pieradavać svaje raźvieddanyja Ukrainie

«Vajna budujecca na raźviedcy, raźviedka — heta vočy»

Na dumku vajskovaha analityka Davida Hiendelmana, spynieńnie pieradačy raźvieddanych uskładniaje ŭkrainskija dziejańni i ŭ nastupie, i ŭ abaronie.

«Vajna budujecca na raźviedcy, raźviedka — heta vočy, i kali ciapier vočy buduć napaŭzapluščanyja, machańnie kułakami budzie mienš vynikovym. Pieramiaščeńni i kancentracyja vojskaŭ praciŭnika, padrychtoŭka rakietnych i avijacyjnych udaraŭ pa Ukrainie, apieratyŭnyja płany, radyjoelektronnaja abstanoŭka, pierasoŭvańnie i razhortvańnie srodkaŭ SPA — usio heta adsočvajecca ŭsimi vidami raźviedki, i na padstavie hetaha USU płanujuć svaje ŭłasnyja dziejańni i rychtujucca adbivać dziejańni US RF», — adznačyŭ ekśpiert u razmovie z «Viorstkaj».

Pavodle jaho słoŭ, Ukraina moža «pierakryć» raźvieddanyja ZŠA svaimi srodkami abo srodkami sajuźnikaŭ, ale tolki častkova, a nie całkam.

«Tamu kali ciapier ZŠA spyniać pastaŭlać raźviedvalnuju infarmacyju sa svajho boku, to tuman vajny stanie dla USU značna bolš hustym, u pramym i pieranosnym sensie», — skazaŭ Hiendelman.

Amierykanskija samaloty-raźviedčyki dapamahajuć adsočvać uźloty rasijskaj avijacyi i puski rakiet

Vajskovy ahladalnik Ruskaj słužby Bi-bi-si Pavieł Aksionaŭ taksama adznačaje, što va ŭkraincaŭ jość i svaje radary, pierš za ŭsio naziemnyja, jakija adsočvajuć abstanoŭku ŭ pavietry, ale biez dapamohi amierykancaŭ «heta ŭsio budzie rabić značna składaniej».

«Jość jašče srodki ŭ sajuźnikaŭ, ale jany, viadoma, bolš małalikija, čym u amierykancaŭ, zastanucca latajučyja radary krain-členaŭ NATA, ale 24 na 7 usio adsočvać, naprykład, užo nie atrymajecca. Dziažurstva na Čornym mory amierykanskich samalotaŭ-raźviedčykaŭ užo nie budzie, viadoma, heta zrobić žyćcio rasiejskaj avijacyi bolš lohkim. Mienš prazrystaj dla ŭkraincaŭ, u pryvatnaści, budzie situacyja ŭ Krymie, tamu što Krym dobra vidać z Čornaha mora», — skazaŭ Aksionaŭ u razmovie z «Viorstkaj».

Jon padkreśliŭ, što dla Ukrainy «adyhryvaje vielmi vialikuju rolu» infarmacyja z amierykanskich samalotaŭ-raźviedčykaŭ. Jany mohuć adsočvać puski balistyčnych i kryłatych rakiet, uźlot samalotaŭ — nośbitaŭ rakiet, bombaŭ, samalotaŭ taktyčnaj, stratehičnaj i dalokaj avijacyi.

«Heta vialikija bambaviki, jakija vidać vielmi daloka, abo samaloty MiH-31K z rakietami «Kinžał». Kožny vylet źniščalnika MiH-31K — heta tryvoha pa ŭsioj Ukrainie pavietranaja, tamu što rakietu «Kinžał» vielmi ciažka źbić, źbivajuć jaje rakietami SPA, rakietami Patriot, a ŭličvajučy, što abmiežavańnie vajskovych pastavak budzie tyčycca ŭ tym liku hetych rakiet, to nieŭzabavie ŭkrainskija harady buduć značna mienš abaronienyja, u pryvatnaści ad rakiet «Iskander» i «Kinžał». Danyja ab pavietranaj abstanoŭcy vielmi mocna dapamahali supraćpavietranaj abaronie ŭkraincaŭ», — ličyć Aksionaŭ.

Prypynieńnie abmienu raźviedvalnaj infarmacyjaj uskładnić dla USU naniasieńnie vysokadakładnych udaraŭ

Pa słovach Aksionava, admova ad pieradačy źviestak pryviadzie «da davoli vialikich nastupstvaŭ».

«Tam budzie mienš infarmacyi, što adbyvajecca na ziamli. Hetuju infarmacyju ŭkraincy atrymlivali sa spadarožnikaŭ, jana vielmi mocna dapamahała im, u amierykancaŭ spadarožnikaŭ vielmi šmat, pieryjad abnaŭleńnia nievialiki, va ŭkraincaŭ była za košt hetaha vialikaja pieravaha pierad rasijskaj armijaj», — adznačyŭ ekśpiert.

Krynica siarod ukrainskich vajskoŭcaŭ u razmovie z «Viorstkaj» nazvała admovu ad abmienu raźvieddanych «krytyčnaj», pakolki ŭ ich uvachodzić u tym liku celepakazańnie i aktualnyja kaardynaty vysokaj dakładnaści. Pavodle słoŭ krynicy, USU stanie składaniej nanosić udary pa terytoryi Rasii roznymi rakietami, u pryvatnaści StormShadow.

«Heta ŭsio ŭzajemaźviazana, byli ŭdary pa aeradromach, jany [rasijanie] ich prybrali dalej. Adpaviedna, jany viernuć bambaviki bližej da miažy i ŭzmocniać cisk. Heta ŭ pryncypie tyčycca i składoŭ z bojeprypasami», — skazała krynica.

Donald Tramp rasparadziŭsia prypynić pastaŭki vajskovaj dapamohi ZŠA Ukrainie paśla jahonaj svarki z prezidentam Ukrainy Uładzimiram Zialenskim. Adnak, vystupajučy ŭ Kanhresie 4 sakavika, Donald Tramp zajaviŭ, što Zialenski imkniecca da miru i paśla pačatku mirnych pieramovaŭ vajskovaja dapamoha moža być adnoŭlenaja.

• 1
• 0
• 1
• 4
• 0
• 2
• 16
• 1