Daradca Trampa raskazaŭ, kali ZŠA mohuć razmarozić vajskovuju dapamohu Ukrainie
Daradca prezidenta ZŠA Donalda Trampa pa pytańniach nacyjanalnaj biaśpieki Majk Uołc zajaviŭ, što razmarozka vajskovaj dapamohi Ukrainie moža być razhledžanaja ŭ vypadku pośpiechu ŭ arhanizacyi mirnych pieramovaŭ, a taksama kali buduć pryniatyja zachady «dla ŭmacavańnia davieru». Zajavu pradstaŭnika administracyi Trampa pryvodzić Reuters.
Pavodle słoŭ Uołca, Tramp «uvažliva razhledzić» mahčymaść razmarozić pastaŭki vajskovaj dapamohi Ukrainie.
«Ja dumaju, kali my zmožam pravieści pieramovy i prasunucca da ich, a taksama vykłaści na stoł niekatoryja miery pa ŭmacavańni davieru, tady prezident razhledzić mahčymaść admieny paŭzy», — skazaŭ Majk Uołc.
Pavodle jaho słoŭ, aficyjnyja asoby abmiarkoŭvajuć datu, miesca i kamandu pierahavorščykaŭ, jakija b pryviali da spynieńnia vajny.
«My ŭžo havorym pra miery pa ŭmacavańni davieru, jakija potym pieradadzim rasijanam i pravierym ich na tryvałaść», — skazaŭ jon, nie ŭdakładniŭšy, jakija miery jon maje na ŭvazie.
Uołc taksama dadaŭ, što administracyja Trampa pavinna viedać, «što abodva baki ščyra viaduć pieramovy pra častkovy, a paśla i pastajanny mir».
4 sakavika amierykanskija ŚMI daviedalisia pra rasparadžeńnie Trampa prypynić usiu vajskovuju dapamohu Ukrainie, pakul jon nie ŭbačyć, što kiraŭnictva Ukrainy «demanstruje dobruju volu da miru». Rašeńnie tyčycca ŭ tym liku zbroi, jakaja ŭžo pakinuła terytoryju ZŠA i nakiroŭvałasia da ŭkrainskaj miažy.
Taksama siońnia stała viadoma, što ZŠA prypynili abmien raźviedvalnymi danymi z Ukrainaj.
Paŭza ci kaniec? Što aznačaje rašeńnie ZŠA prypynić dapamohu Ukrainie
Paźniak patłumačyŭ, čamu Tramp usio robić pravilna
Kavaleŭski: Treba addać naležnaje Donaldu Trampu — jon razvarušyŭ situacyju, prymusiŭ dziejničać
«Załaty viek Amieryki tolki pačaŭsia». Vystup Trampa pierad Kanhresam staŭ samym praciahłym u historyi
«Rejhan pieravaročvajecca ŭ trunie». Demakraty daručyli adkazvać Trampu sienatarcy, čyj pradzied uciok u Amieryku z Kojdanava
Kamientary