Дарадца Трампа расказаў, калі ЗША могуць размарозіць вайсковую дапамогу Украіне
Дарадца прэзідэнта ЗША Дональда Трампа па пытаннях нацыянальнай бяспекі Майк Уолц заявіў, што размарозка вайсковай дапамогі Украіне можа быць разгледжаная ў выпадку поспеху ў арганізацыі мірных перамоваў, а таксама калі будуць прынятыя захады «для ўмацавання даверу». Заяву прадстаўніка адміністрацыі Трампа прыводзіць Reuters.
Паводле слоў Уолца, Трамп «уважліва разгледзіць» магчымасць размарозіць пастаўкі вайсковай дапамогі Украіне.
«Я думаю, калі мы зможам правесці перамовы і прасунуцца да іх, а таксама выкласці на стол некаторыя меры па ўмацаванні даверу, тады прэзідэнт разгледзіць магчымасць адмены паўзы», — сказаў Майк Уолц.
Паводле яго слоў, афіцыйныя асобы абмяркоўваюць дату, месца і каманду перагаворшчыкаў, якія б прывялі да спынення вайны.
«Мы ўжо гаворым пра меры па ўмацаванні даверу, якія потым перададзім расіянам і праверым іх на трываласць», — сказаў ён, не ўдакладніўшы, якія меры ён мае на ўвазе.
Уолц таксама дадаў, што адміністрацыя Трампа павінна ведаць, «што абодва бакі шчыра вядуць перамовы пра частковы, а пасля і пастаянны мір».
4 сакавіка амерыканскія СМІ даведаліся пра распараджэнне Трампа прыпыніць усю вайсковую дапамогу Украіне, пакуль ён не ўбачыць, што кіраўніцтва Украіны «дэманструе добрую волю да міру». Рашэнне тычыцца ў тым ліку зброі, якая ўжо пакінула тэрыторыю ЗША і накіроўвалася да ўкраінскай мяжы.
Таксама сёння стала вядома, што ЗША прыпынілі абмен разведвальнымі данымі з Украінай.
Паўза ці канец? Што азначае рашэнне ЗША прыпыніць дапамогу Украіне
Пазняк патлумачыў, чаму Трамп усё робіць правільна
Кавалеўскі: Трэба аддаць належнае Дональду Трампу — ён разварушыў сітуацыю, прымусіў дзейнічаць
«Залаты век Амерыкі толькі пачаўся». Выступ Трампа перад Кангрэсам стаў самым працяглым у гісторыі
«Рэйган пераварочваецца ў труне». Дэмакраты даручылі адказваць Трампу сенатарцы, чый прадзед уцёк у Амерыку з Койданава
Цяпер чытаюць
Стала вядома, колькі грошай атрымлівалі ад крамлёўскага фонду Лушч, Мірсалімава і Герашчанка7
Стала вядома, колькі грошай атрымлівалі ад крамлёўскага фонду Лушч, Мірсалімава і Герашчанка
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў88
Каментары