CRU śćviardžaje, što prypyniła abmien raźviedźviestkami z Ukrainaj, ale ŭkrainskija čynoŭniki kažuć advarotnaje
ZŠA spynili abmien raźviedźvietkami z Ukrainaj, što moža značna ŭskładnić mahčymaść ukrainskich vajskoŭcaŭ efiektyŭna nanosić udary pa rasijskich siłach, piša Financial Times. U toj ža čas ukrainski čynoŭnik zapeŭniŭ Bloomberg, što kraina praciahvaje atrymlivać nieabchodnuju infarmacyju.
Dyrektar CRU Džon Redklif taksama zajaviŭ u efiry Fox, što ZŠA časova spynili vydaču Ukrainie zbroi i źviestak vyviedki.
«Prezident Tramp paprasiŭ zrabić paŭzu. Jak ja ŭžo zhadvaŭ, Tramp — mirny prezident. Jon choča pakłaści kaniec isnujučym vojnam. U hetym vypadku ŭ prezidenta Trampa było realnaje pytańnie ab tym, ci prychilny prezident Zialenski da mirnaha pracesu. I jon skazaŭ: «Zrobim paŭzu», — zaŭvažyŭ jon.
U CRU miarkujuć, što paŭza «chutka skončycca».
Ananimny vysokapastaŭleny ŭkrainski čynoŭnik pry hetym raspavioŭ Bloomberg, što jaho kraina praciahvaje atrymlivać nieabchodnuju infarmacyju. Inšy ŭkrainski čynoŭnik paviedamiŭ žurnalistam Sky News advarotnaje.
Jašče adna z krynic Sky paviedamiła, što Złučanyja Štaty prypynili abmien tolki tymi dadzienymi, jakija ŭpłyvajuć na ŭdary Ukrainy pa Rasii.
Amierykanskaja raźviedvalnaja padtrymka adyhryvaje klučavuju rolu ŭ tym, kab Ukraina mahła vyjaŭlać i źniščać rasijskija vajennyja abjekty.
Ciapier čytajuć
Piatkievič: Sacyjalnaja śfiera — jašče i ekanomika. A ŭ kultury ludzi chacieli b, kab było, jak u inšych krainach10
Piatkievič: Sacyjalnaja śfiera — jašče i ekanomika. A ŭ kultury ludzi chacieli b, kab było, jak u inšych krainach
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ55
Kamientary