Zialenski nie staŭ vybačacca za publičnuju zvadku z Trampam i Vensam
Prezident Ukrainy Uładzimir Zialenski nie vybačyŭsia za emacyjnuju pierapałku z prezidentam ZŠA Donaldam Trampam u Avalnym kabiniecie, ale ŭ intervju Fox News zajaviŭ, što ŭpeŭnieny: ich adnosiny jašče možna adnavić.
Sustreča Zialenskaha z Trampam i vice-prezidentam Džej Dzi Vensam u Biełym domie ŭ piatnicu pierarasła ŭ sprečku na pavyšanych tonach, što stała suśvietnaj navinoj. Ukrainski lidar pryjechaŭ u ZŠA dla pieramoŭ z Trampam paśla taho, jak amierykanski kiraŭnik zajaviŭ, što mirnyja pieramovy ab zaviaršeńni vajny pamiž Ukrainaj i Rasijaj znachodziacca na finalnaj stadyi.
«Spadar prezident, ci ličycie vy, što vašy adnosiny z Donaldam Trampam — prezidentam Trampam — možna adnavić paśla taho, što adbyłosia siońnia?» — spytaŭ hałoŭny palityčny viadučy Fox News Bret Bajer.
«Tak, viadoma, bo heta adnosiny nie tolki dvuch prezidentaŭ. Heta histaryčnyja, mocnyja adnosiny pamiž našymi narodami, i tamu ja zaŭsiody pačynaju z padziaki vašamu narodu ad našaha narodu», — skazaŭ Zialenski ŭ ekskluziŭnym intervju ŭ piatnicu ŭ efiry prahramy Special Report.
«Biezumoŭna, ja ŭdziačny prezidentu i, viadoma ž, Kanhresu, ale pieradusim — vašym ludziam. Vaš narod dapamoh vyratavać naš narod… My vielmi chacieli mieć hetyja mocnyja adnosiny, i tam, dzie heta sapraŭdy važna, jany buduć zastavacca mocnymi».
Adkazvajučy na pytańnie pra pierapałku, Zialenski adznačyŭ, što «nie ŭpeŭnieny, što my zrabili niešta drennaje», ale pryznaŭ, što situacyja atrymałasia «drennaj dla abodvuch bakoŭ».
«Ja prosta chaču być sumlennym i chaču, kab našy partniory pravilna razumieli situacyju, a taksama sam pravilna razumieć usio. Heta pra toje, kab nie stracić naša siabroŭstva», — dadaŭ ukrainski lidar.
Tramp i Zialenski pasvarylisia ŭ žyvym efiry
Tramp: Zialenski moža viarnucca, kali budzie hatovy da miru
Zialenski padziakavaŭ Amierycy za padtrymku i svoj vizit
Tramp — Zialenskamu: Biez našaj zbroi vy nie pratrymalisia b i dvuch tydniaŭ
Stenahrama rezkaj razmovy Trampa, Vensa i Zialenskaha
Kiraŭnik Dziarždepa: Zialenski pavinien vybačycca za toje, što pieratvaryŭ pieramovy ŭ fijaska
Kamientary
Usio słušna zrabiŭ. Nazvaŭ biełaje biełym, čornaje čornym. Terarysta - terarystam i hd.
Samaje bolš ździviła jak vens skazaŭ, što bačyŭ pra žachlivaje stanovišča va Ukrainn praz storyzy ŭ inście. Błć, taki śmiešny čeł😅