Amierykanskaja kampanija pakazała latajučy aŭtamabil VIDEA
Amierykanskaja kampanija Alef Aeronautics śćviardžaje, što zdoleła stvaryć «pieršy ŭ śviecie sapraŭdny latajučy aŭtamabil». U novym videa, jakoje ŭžo razyšłosia pa siecivie, možna ŭbačyć, jak elektramabil spačatku jedzie pa darozie, a zatym uźlataje, pieralatajučy praź inšaje aŭto na vulicy.
Amierykanskaja kampanija Alef Aeronautics apublikavała videa, na jakim jaje elektramabil Model A spačatku jedzie pa darozie, a potym pieralataje praź inšaje aŭto. Kampanija zajaŭlaje, što heta pieršaje ŭ historyi videa, dzie možna zaŭvažyć sapraŭdny latajučy aŭtamabil na zvyčajnaj vulicy, piša partał Electrec.
Alef Aeronautics raspracoŭvaje latajučyja aŭtamabili ŭžo kala dziesiaci hadoŭ. U 2017 hodzie inviestary takich kampanij, jak Tesla i SpaceX, ukłali ŭ prajekt kala $3 młn, a ŭ 2022 hodzie Alef pradstaviła pieršy pracoŭny pratatyp Model A. Paśla hetaha kampanija atrymała siertyfikat lotnaj prydatnaści ad Fiederalnaha ŭpraŭleńnia hramadzianskaj avijacyi ZŠA i stała pieršaj firmaj, chto aficyjna pradaje latajučyja aŭto praz dylerskija centry.
Ciapier Alef Aeronautics maje ŭžo 3300 pieradzamoŭ na Model A, a kančatkovy košt jaje składzie kala $300 000. Kampanija zaklučyła pahadnieńni z bujnymi vytvorcami avijakampanientaŭ PUCARA Aero i MYC, jakija supracoŭničajuć z Boeing i Airbus.
Masavaja vytvorčaść latajučaha aŭto, pavodle Alef, pačniecca ŭžo sioleta, a paśla startujuć pieršyja pastaŭki klijentam.
Siadzieńni ŭ samalotach stanuć dvuchpaviarchovymi? Airbus stvaraje inavacyjny dyzajn
U Vialikabrytanii navučylisia amal całkam adnaŭlać lityj i hrafit z vykarystanych batarej elektramabilaŭ
«Kali łaska, pamry». Niejrasietka z abrazami i praklonami nakinułasia na karystalnika. Spytali ŭ jaje, čamu jana razzłavałasia
Kamientary