Bieśpiłotnikami atakavanaja Adesa: jość paranienyja, paškodžany paliklinika i dziciačy sadok
Rasijanie nočču atakavali Adesu i rajon udarnymi bieśpiłotnikami, u vyniku čaho paciarpieli 3 darosłych i dzicia, paškodžana hramadzianskaja infrastruktura, žyłyja damy i aŭto.
«U vyniku ataki paškodžana hramadzianskaja infrastruktura, u pryvatnaści dziciačaja paliklinika, sadok, škleńnie ŭ šmatpaviarchovikach i lehkavyja aŭtamabili. Paciarpieli 4 čałavieki, siarod ich adno dzicia. Usie špitalizavany ŭ stanie siaredniaj stupieni ciažkaści», — paviedamiŭ kiraŭnik Adeskaj AVA Aleh Kipier.
Z-za rasijskaha napadu ŭ častcy Adeskaha rajona dziejničajuć łakalnyja avaryjnyja adklučeńni śviatła, krytyčnaja infrastruktura pracuje ad hienierataraŭ, dadaŭ Kipier.
U niekatorych žycharoŭ horada źnikła ciepłazabieśpiačeńnie.
Ahułam, pa infarmacyi Pavietranych sił, Rasija ŭnačy atakavała Ukrainu 167 bieśpiłotnikami i balistyčnymi rakietami «Iskander-M/KN-23». Siły SPA źniščyli 106 dronaŭ u miežach 14 abłaściej, jašče 56 — łakacyjna stračanyja.
Ciapier čytajuć
Što viadoma pra biełarusa, jaki zahinuŭ la Elbrusa5
Što viadoma pra biełarusa, jaki zahinuŭ la Elbrusa
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary