Samalot premjera Armienii ŭpieršyniu vykarystaŭ pavietranuju prastoru Azierbajdžana
Upieršyniu za amal 30 hadoŭ Armienija i Azierbajdžan pačali vykarystoŭvać pavietranuju prastoru adno adnaho. Samalot premjer-ministra Armienii Nikała Pašyniana padčas zamiežnaj pajezdki pralacieŭ nad terytoryjaj Azierbajdžana, paviedamiła jahonaja pres-sakratarka Nazieli Bahdasarjan.
Čynoŭnica nahadała, što azierbajdžanskija barty ŭžo daŭno latajuć praz Armieniju, kab złučać asnoŭnuju častku krainy z ekskłavam Nachičevańniu. Pavodle armianskaha vydańnia Hetq, ciapier i armianskija avijakampanii pačali karystacca azierbajdžanskaj pavietranaj prastoraj, a «Azierbajdžanskija avijalinii» — lotać nad Armienijaj.
Takija źmieny stali mahčymymi paśla narmalizacyi adnosin pamiž dźviuma krainami. 8 žniŭnia ŭ Biełym domie premjer Armienii Nikoł Pašynian i prezident Azierbajdžana Ilcham Alijeŭ u prysutnaści prezidenta ZŠA Donalda Trampa padpisali pahadnieńnie pra transpartny kalidor praz terytoryju Armienii da Nachičevani. Taksama byŭ apublikavany prajekt mirnaj damovy pamiž dźviuma krainami. Dakumient praduhledžvaje admovu ad terytaryjalnych pretenzij i ad užyvańnia siły.
Da hetaha Armienija i Azierbajdžan amal try dziesiacihodździ nie karystalisia pavietranaj prastoraj adzin adnaho z-za kanfliktu vakoł Nahornaha Karabacha. Hety kanflikt vyčarpaŭ siabie paśla taho, jak u 2023 hodzie azierbajdžanskija vojski vycieśnili z rehijona armianskija, a armianskaje nasielnictva (kala 100 tysiač čałaviek) całkam pakinuła ziamlu prodkaŭ.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary