«Siońniašni ŭdar pa Kijevie — heta novy pavarot u rasijskich atakach pa Ukrainie»
Da hetaha momantu ŭkrainskija ŭradavyja budynki ŭ Kijevie nie padviarhalisia ŭdaram.
Heta novy pavarot u rasijskich atakach pa Ukrainie, piša karespandentka BBC u Kijevie Sara Rejnsfard.
Z pačatku poŭnamaštabnaha ŭvarvańnia centr Kijeva byŭ vielmi dobra abaronieny. Tamu hety ŭdar stanie šokam dla ludziej. Jon staŭ simvaličnym — i vyrazna demanstruje, što śćvierdžańni Uładzimira Pucina pra hatoŭnaść da miru — nie bolš čym pakaznyja. Jon nie spyniajecca. Zamiest hetaha rasijskija ataki stanoviacca ŭsio bolš intensiŭnymi, piša žurnalistka.
Jana paviedamlaje, što ciapier nikomu nie dazvalajuć blizka padychodzić da budynka Kabmina: uvachod u hety rajon pierakryty, tam raźmieščany ŭsie asnoŭnyja ŭradavyja budynki — Kabiniet ministraŭ, parłamient i ofis prezidenta.
Jana piša, što bačyła, jak viertaloty skidvali vadu na połymia. Nad horadam padymałasia vielizarnaje vobłaka dymu ad pažaru.
Niama źviestak pra toje, ci byli tam paciarpiełyja.
Ale ŭ Kijevie — i pa ŭsioj Ukrainie — jość zahinułyja i paranienyja: siońnia ranicaj u žyłym domie byli zabity žančyna ź niemaŭlom. A ratavalniki ŭsio jašče šukajuć paciarpiełych.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła2
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3939
Kamientary