Illa Čarapko-Samachvałaŭ, jaki pakidaje «Piatlu prychilnaści», usio ž prymie ŭdzieł u vosieńskim tury
Salist hurta «Piatla prychilnaści» Illa Čarapko-Samachvałaŭ paviedamiŭ u instahramie, što ŭsio ž vyjdzie na scenu ŭ miežach vosieńskaha turu. Jon dadaŭ, što heta budzie jaho apošni vystup u składzie hurta.
«Uvieś dzień prajšoŭ u pieramovach, pa vynikach — apošni vosieński tur PP adbudziecca. Inakš na mianie paviesiać niaŭstojku, a ja stolki nie zarablaju. Tak što, tak, ja adyhraju dla vas apošni raz u składzie hetaha hurta. Vielmi spadziajusia, što ŭ hetym tury majoj biaśpiecy ŭsio ž taki nadaduć naležnuju ŭvahu», — napisaŭ muzykant.
Dniom 6 vieraśnia Illa abviaściŭ pra toje, što pakidaje «Piatlu prychilnaści».
«Paviedamlaju ŭsim, chto sočyć za majoj tvorčaściu. Ja sychodžu z hurta «Piatla Prychilnaści». Asnoŭnaj pryčynaj źjaviłasia žadańnie ruchacca dalej i pierajści na nastupny ŭzrovień.
Užo niekalki miesiacaŭ ja pracuju nad ułasnym prajektam i źbirajusia pryśviacić jamu ŭvieś svoj čas.
Jak niadaŭna skazaŭ moj siabar Miciok: «Novaje, novaje i novaje. Tamu što ŭvieś čas žyć u čymści daŭno pieražavanym stanovicca nie vielmi viesieła i nie vielmi cikava. Nie abaviazkova navat pieražavanym, moža ŭžo i pieratraŭlenym», — napisaŭ Illa.
Jon taksama dadaŭ, što vosieński tur hurta projdzie bieź jaho.
Illa Čarapko-Samachvałaŭ byŭ u «Piatli prychilnaści» z momantu zasnavańnia ŭ 2004 hodzie.
Ciapier čytajuć
Za «ekstremisckija» padpiski pry praviercy na miažy bolš nie sadžajuć na sutki7
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary