Biełaruski futbalist budzie hulać u čempijanacie San-Maryna — samym słabym pieršynstvie Jeŭropy
26-hadovy hałkipier Alaksiej Aŭhul pierajšoŭ u kłub «Tre Pienie» z San-Maryna. Termin kantraktu składaje adzin hod, paviedamlaje football.by.
Aŭhul źjaŭlajecca vychavancam «Minska» i vypusknikom akademii italjanskaha kłuba «Pierudža». Raniej Alaksiej vystupaŭ za kamandy čaćviortaha i piataha dyvizijonaŭ Italii. Jaho apošni kłub — «Miecałara».
Baćka Alaksieja — biełaruski futbalist Aleh Aŭhul.
Alaksiej nie pieršy biełarus, jaki budzie hulać u San-Maryna. U 2023-2024 siezon za «Fłaryjanu» pravioŭ eks-hulec BATE i zbornaj Biełarusi Maksim Vaładźko. Pryčym pryjšoŭ tudy z Andory, a zaraz pylić u «Kosta d'Amalfi» — čaćviertaha italjanskaha dyvizijona.
Čempijanat San-Maryna składajecca tolki z adnoj lihi, u jakoj hulajuć 16 kłubaŭ. Heta samy słaby čempijanat Jeŭropy, u rejtynhu UEFA ŭ jaho 55-je miesca.
Jon razyhryvajecca z 1985 hoda, u «Tre Pienie» — piać tytułaŭ, u «Tre Fijory» — vosiem. U minułym hodzie «Tre Piene» finišavali šostymi.
U minułym siezonie Lihi kanfierencyj (2024-2025) biełaruskaja «Isłač» zhańbiłasia ŭ pieršym raŭndzie kvalifikacyi, prajhraŭšy pa pienalci san-marynskaj «La-Fijarycie».
***
U vyšejšych dyvizijonach u Jeŭropie biełarusy hulajuć u Bałharyi (try čałavieki), Słavienii (2), Polščy (2), Hrecyi (2), Kipry (2), Bośnii i Hiercahavinie (1), Bielhii (1), Sierbii (1).
Što da krain byłoha SSSR, to najbolšaja dyjaspara ŭ vyšejšym dyvizijonie Kazachstana (15), u Rasii (8), Kyrhyzstanie (8). Małdova (3), Litva (2), Azierbadžanie (2), Hruzija (1), Armienija (1).
Kamientary