Syrski pra Pakroŭski napramak: U žniŭni viarnuli ŭ 5 razoŭ bolš terytoryj, čym stracili
Straciŭšy ŭ žniŭni na Pakroŭskim napramku 5 kv. km, USU zdoleli adnavić kantrol nad 26 kv. km ukrainskaj ziamli, paviedamiŭ hałoŭnakamandujučy USU Alaksandr Syrski.
Syrski siońnia jeździŭ u rajony aktyŭnych bajavych dziejańniaŭ na Pakroŭskim, Dabrapolskim, Sievierskim napramkach.
«Pakroŭski napramak zastajecca adnym z samych składanych. Za apošni tydzień našy padraździaleńni adbili kala 350 atak praciŭnika. Mienavita tut rasijanie zasiarodzili asnoŭnyja namahańni i stvaryli najbolšuju nastupalnuju hrupoŭku, jakaja sprabuje prarvać našu abaronu», — paviedamiŭ Syrski.
Pavodle jaho słoŭ, ukrainskija vajskoŭcy ŭtrymlivajuć «peŭnyja rubiažy, źniščajuć žyvuju siłu i techniku voraha, a taksama pravodziać vynikovyja šturmavyja dziejańni».
«Tak, straciŭšy ŭ žniŭni na Pakroŭskim napramku 5 kv. km, padraździaleńni Sił abarony zdoleli adnavić kantrol nad 26 kv. km ukrainskaj ziamli. Padobnaje suadnosiny na našu karyść — taksama i na Dabrapolskim napramku», — dadaŭ Syrski.
Ciapier čytajuć
Što viadoma pra biełarusa, jaki zahinuŭ la Elbrusa5
Što viadoma pra biełarusa, jaki zahinuŭ la Elbrusa
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary