U Varšavie źnikła 38-hadovaja biełaruska. Jana ŭdzielničała ŭ namiotavym haradku paśla vybaraŭ-2006
Valeryju Saŭčankavu apošni raz bačyli 5 vieraśnia.
U Varšavie šukajuć 38-hadovuju biełarusku Valeryju Saŭčankavu.
Apošni raz jaje bačyli 5 vieraśnia ŭ 8-9 ranicy ŭ rajonie Tarhuviek u Varšavie, na vulicy Bažymoŭska, 25 (stancyja mietro Trockaja).
Dziaŭčyna była z zaplečnikam, adzietaja ŭ sukienku (koler nieviadomy) i sandali. Vałasy pafarbavany ŭ błond, nosić akulary, na abodvuch pieradpleččach jość kalarovyja tatuiroŭki (adna ź ich — vyjava Fieniksa).
Paviedamlajecca, što dziaŭčyna chvareje na cukrovy dyjabiet.
Jak piša «Jeŭraradyjo», studentkaj Valeryja ŭdzielničała ŭ namiotavym haradku na Kastryčnickaj płoščy ŭ Minsku paśla vybaraŭ 2006 hoda. Ale znajomyja nie źviazvajuć jaje źniknieńnie z palitykaj.
U palicyju ŭžo paviedamili pra źniknieńnie. Tych, chto maje infarmacyju pra miescaznachodžańnie Valeryi, prosiać zvanić pa numarach 112 ci +48 577 714 882.
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ4
Kamientary