«Kali pieramovy stanuć «novaj Jałtaj», to mienavita Biełaruś ryzykuje stać maŭklivaj achviaraj vialikaj amaralnaj ździełki»
Chto z krain užo ciapier prajhrajuć na budučych mirnych pieramovach, piša analityk Alaksandr Frydman. Najhoršaja, na jaho dumku, pazicyja ŭ Biełarusi.
Frydman analizuje imavierny skład udzielnikaŭ i farmat mirnych pieramoŭ.
«Prachodzić jany buduć na pieršym etapie ŭ Saudaŭskaj Aravii, a ŭdzielničać buduć ZŠA, Rasija i Ukraina. Vašynhton i Maskva chacieli b vynieści za dužki ES i Vialikabrytaniju, ale heta im naŭrad ci ŭdasca. Na siońnia možna kazać i pra tych pieršych, chto prajhraŭ. Heta Kitaj, Turcyja, Šviejcaryja i Biełaruś», — miarkuje Frydman.
Na jaho dumku, Kitaj, u adroźnieńnie ad svajho kankurenta — Indyi, chacieŭ udzielničać u pieramovach, ale amierykancy jaho na ich nie dapuskajuć. Erdahan mnostva razoŭ zajaŭlaŭ pra hatoŭnaść pravieści pieramovy na svajoj terytoryi, ale ŭ jaho pasłuhach pakul nie majuć patreby i na pieramovy nie kličuć. Niejtralnaja Šviejcaryja taksama prapanoŭvała siabie ŭ jakaści tradycyjnaj placoŭki dla pieramovaŭ. I pakul zastałasia ni z čym.
«Dla KNR udzieł u pieramovach — pytańnie statusu supierdziaržavy; dla Turcyi i Šviejcaryi — pytańnie prestyžu. Dla Biełarusi ž na kanu staić budučynia dziaržavy i vyznačacca jana budzie, chutčej za ŭsio, biez udziełu pradstaŭnikoŭ Biełarusi. Kali pieramovy stanuć, jak pradrakajuć asobnyja naziralniki, «novaj Jałtaj», jakaja pryviadzie da padziełu śfier upłyvu ŭ Jeŭropie, to mienavita Biełaruś ryzykuje stać maŭklivaj achviaraj vialikaj amaralnaj ździełki», — ličyć Frydman.
Piać vysnoŭ ź Miunchienskaj kanfierencyi pa biaśpiecy, jakaja ŭvojdzie ŭ historyju
Frydman pra imaviernuju ździełku ZŠA i Biełarusi: Heta stała b palityčnym samahubstvam dla Łukašenki
Miunchienskaja pramova Vensa pra novuju palityku ZŠA i čakańni ad Jeŭropy — poŭny tekst
Šolc raskrytykavaŭ słovy Vensa ab jeŭrapiejskaj demakratyi
Ciapier čytajuć
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary