Fiederalny kancler Hiermanii Ołaf Šolc padčas vystupu na Miunchienskaj kanfierencyi pa biaśpiecy ŭ subotu, 15 lutaha, raskrytykavaŭ vykazvańni vice-prezidenta ZŠA Džeja Dzi Vensa pra jeŭrapiejskuju demakratyju, piša Ruskaja słužba «Radyjo Svaboda».
Vens vystupiŭ na kanfierencyi z pramovaj 14 lutaha. Vice-prezident ZŠA, u pryvatnaści, adznačyŭ, što jeŭrapiejskija krainy pavinny ŭličvać mierkavańnie svaich hramadzian i vieści dyjałoh u tym liku z pravapapulisckimi partyjami.
Raniej Vens taksama krytykavaŭ tak zvanuju stratehiju brandmaŭera kłasičnych niamieckich partyj, jakaja zaklučajecca ŭ admovie ad lubych formaŭ uzajemadziejańnia z ultrapravaj partyjaj «Alternatyva dla Hiermanii» (AdH).
Šolc u svaim vystupie zajaviŭ, što pieravažnaja bolšaść žycharoŭ Hiermanii vystupajuć rašuča suprać tych, chto «prasłaŭlaje abo apraŭdvaje złačynny nacyjanał-sacyjalizm», i nie padtrymlivajuć palityku AdH.
Kamientujučy situacyju pa Ukrainie, kancler adznačyŭ, što Kijevu paśla zakančeńnia vajny budzie patrebnaja svaja mocnaja armija. Dapamahać joj, pa słovach Šolca, buduć Jeŭropa i transatłantyčnyja partniory. Palityk taksama zaklikaŭ da pastajannaj vytvorčaści ŭzbrajeńniaŭ u ES.
Razam z tym, pa słovach kanclera, jon rady, što ZŠA paćvierdzili ahulnuju metu — zachavać niezaležnaść Ukrainy. Zajaŭlenyja prezidentam Rasii płany ab demilitaryzacyi Ukrainy pravalilisia.
«Pieramoha Rasii i raspad Ukrainy nie pryviaduć da miru i paradku ŭ Jeŭropie. My nikoli nie padtrymajem naviazany Ukrainie mir», — padkreśliŭ Šolc.
Hiermanija, sa słoŭ kanclera, dla praciahu padtrymki Ukrainy moža abjavić nadzvyčajnuju situacyju. Taki krok moža spatrebicca dla taho, kab abyści ŭstalavanuju niamieckim zakonam stol zapazyčańniaŭ srodkaŭ ź biudžetu.
Šolc taksama paćvierdziŭ prychilnaść pryncypu, zhodna ź jakim lubyja pieramovy pra budučyniu Ukrainy pavinny vieścisia ź jaje ŭdziełam.
«Płan, jak spynić Pucina i skončyć vajnu». Zialenski sustreŭsia ź vice-prezidentam ZŠA ŭ Miunchienie
Vens zajaviŭ, što jahonyja słovy pierakrucili — jon nie dapuskaje mahčymaści adpraŭki amierykanskich vojskaŭ va Ukrainu
Što budzie ź Biełaruśsiu paśla razmovy Trampa i Pucina?
ZŠA dali zrazumieć Ukrainie, što hatovyja raźmiaścić u krainie vojski ŭ abmien na dostup da 50% jaje karysnych vykapniaŭ
Zialenski choča, kab raździalalnaja linija ŭ Jeŭropie prajšła pa ŭschodniaj miažy Ukrainy i Biełarusi
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki9
Kamientary