Vajna55

«Płan, jak spynić Pucina i skončyć vajnu». Zialenski sustreŭsia ź vice-prezidentam ZŠA ŭ Miunchienie

Prezident Ukrainy Uładzimir Zialenski vystupiŭ na adkrytaj u piatnicu Miunchienskaj kanfierencyi pa biaśpiecy i sustreŭsia ź vice-prezidentam ZŠA Džej Dzi Vensam. Baki zajavili, što zastalisia zadavolenyja pieramovami, piša Bi-bi-si.

Fota: President.gov.ua

«My vielmi ŭdziačnyja za amierykanskuju padtrymku ad prezidenta Trampa, — zajaviŭ Zialenski. — U nas siońnia adbyłasia dobraja razmova. Naša pieršaja sustreča. Upeŭnieny, nie apošniaja. I što nam sapraŭdy treba — heta razmaŭlać bolš, pracavać bolš i rychtavać płan, jak spynić Pucina i skončyć vajnu. My sapraŭdy vielmi chočam miru, ale nam patrebnyja realnyja harantyi biaśpieki, i my praciahniem našy sustrečy».

Vens taksama nazvaŭ razmovu z ukrainskaj delehacyjaj plonnaj. Akramia jaho, u sustrečy ŭdzielničali dziaržsakratar ZŠA Marka Rubia i śpiecpradstaŭnik Donalda Trampa pa Ukrainie Kit Kiełah.

«Jość šerah rečaŭ, jakimi treba zajmacca dalej, i fundamientalna naša meta, jak jaje akreśliŭ prezident Tramp, — my chočam, kab vajna skončyłasia, kab ludziej pierastali zabivać, ale my chočam dasiahnuć tryvałaha, doŭhaterminovaha miru, a nie takoha, pry jakim Uschodniaja Jeŭropa praź niekalki hadoŭ znoŭ apyniecca ŭ stanie kanfliktu», — zajaviŭ vice-prezident ZŠA.

Pierad sustrečaj z Vensam padčas vystupleńnia na kanfierencyi Zialenski skazaŭ, što nie maje namieru sustrakacca ni z kim z pradstaŭnikoŭ Rasii, akramia rasijskaha prezidenta Uładzimira Pucina.

«Ja nie budu sustrakacca z rasijanami, heta nie častka maich płanaŭ, — skazaŭ prezident Ukrainy. — Ja sustrenusia tolki z adnym rasijaninam — z Pucinym. Tolki paśla taho, jak u nas budzie ahulny płan z Trampam, Jeŭropaj, i my siadziem z Pucinym i spynim vajnu. Tolki ŭ hetym vypadku ja hatovy sustrecca».

Pucin nie vykazvaŭ hatoŭnaści sustrakacca asabista ź Zialenskim i nieadnarazova staviŭ pad sumnieŭ jaho lehitymnaść.

Pierad pieramovami ź Zialenskim vice-prezident ZŠA taksama vystupiŭ na kanfierencyi z pramovaj, u jakoj rezka raskrytykavaŭ jeŭrapiejskija krainy i amal ničoha nie skazaŭ pra vajnu va Ukrainie.

«Pahroza, jakaja mianie bolš za ŭsio turbuje ŭ dačynieńni da Jeŭropy, — heta nie Rasija, nie Kitaj, nie luby inšy źniešni čyńnik. Mianie turbuje pahroza znutry — adstupleńnie Jeŭropy ad niekatorych ź jaje najvažniejšych kaštoŭnaściaŭ, jakija jana padzialaje z ZŠA», — skazaŭ jon.

Pavodle słoŭ Vensa, niama bolš nadzionnaha pytańnia, čym masavaja mihracyja, i Jeŭropa, na jaho dumku, ustupaje ŭ «kryzis, jaki sama sabie stvaryła».

«Kali vy baiciesia ŭłasnaha naroda, Amieryka ničym nie zmoža vam dapamahčy. Vy nie možacie zavajavać demakratyčny mandat, padviarhajučy cenzury svaich apanientaŭ abo sadžajučy ich u turmu», — zajaviŭ jon.

Ministr abarony Hiermanii Borys Pistoryus, jaki vystupaŭ nieŭzabavie paśla vice-prezidenta ZŠA, rezka adchiliŭ krytyku z boku Vensa.

«Vice-prezident ZŠA tolki što pastaviŭ pad sumnieŭ demakratyju nie tolki Hiermanii, ale i Jeŭropy ŭ cełym. Kali ja jaho pravilna razumieju, jon paraŭnoŭvaje stan Jeŭropy z tym, što panuje ŭ niekatorych aŭtarytarnych režymach… Heta nieprymalna», — skazaŭ Pistoryus.

Kamientary5

  • Tak
    15.02.2025
    Zatrymać Pucina, a nie Rasiju? Byccam by tolki jon vajuje, a nie rasijanie.
    • Tuk
      15.02.2025
      Imavierna, heta vajna tolki pucina. Źniknieńnie hetaha piersanaža, chutčej za ŭsio, spyniła b vajnu.
      • Tak
        15.02.2025
        Tuk, naiŭnaściu źjaŭlajecca dumka, što heta vajna tolki Pucina. Jaho padtrymlivaje bolšaść rasijan. Da Pucina Rasija taksama viała takuju samuju palityku, pra što mnohija biełarusy zabyvajuć. Siarod rasijskich apazicyjanieraŭ, h.zv. "chorošich russkich" taksama chapaje ludziej z padobnymi pohladami.

        Tak što varta adkryta kazać, što heta nie sam Pucin, a Rasija i Rasijanie napali na Ukrainu i ŭkraincaŭ.

Ciapier čytajuć

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA25

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA

Usie naviny →
Usie naviny

Pjany vaśmikłaśnik u Homieli ŭ handlovym centry biŭ nahami supracoŭnikaŭ milicyi11

Aŭtamabil pad Minskam sutyknuŭsia adrazu z tryma łasiami1

Ad zaŭtra znoŭ pačnie chaładać2

Kala Śbier banka ŭ Minsku adkryvajuć pomnik kačcy

Na kanfierencyi Reshape 2025 aburylisia «tysiačami kanfierencyj», abvinavacili Cichanoŭskuju ŭ dyktatury i acanili vyniki 5 hadoŭ u emihracyi28

«Toje, što Izrail zrabiŭ ź Iranam, — heta toje, što Rasija chacieła zrabić z Ukrainaj»18

Žančyna złaviła na Prypiaci hihanckaha taŭstałobika. Jaho vaha — kala 60 kh2

Dziaŭčyncy z Polščy, achviaravać hrošy jakoj zaklikaŭ biełarus, sabrali patrebnuju sumu1

Piać faktaŭ pra novaha pres-sakratara MZS, jaki chamavataściu kosić pad Maryju Zacharavu10

bolš čytanych navin
bolš łajkanych navin

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA25

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA

Hałoŭnaje
Usie naviny →

Zaŭvaha:

 

 

 

 

Zakryć Paviedamić