«Vy viedajecie, što adbyvajecca ź biełarusami? Nichto nie zapiarečyŭ, nichto pra heta nie dumaje. Užo ŭ hetym hodzie Rasija padrychtuje 15 dyvizij dla treniroŭki i ŭzmacnieńnia situacyi na biełaruskim kirunku».
Prezident Ukrainy Uładzimir Zialenski zajaviŭ, što na sustrečy z prezidentam ZŠA Donaldam Trampam chacieŭ by abmierkavać pytańnie Biełarusi.
«Dumaju, što budu z prezidentam Trampam havaryć pra toje, što ruskija źbirajucca zrabić ź Biełaruśsiu. My heta vyrazna uśviedamlajem. Ja dumaju, zaŭtra budzie mahčymaść pahavaryć pra heta, moža, siońnia jašče», — skazaŭ Uładzimir Zialenski žurnalistam 14 lutaha ŭ Miunchienie, kudy jon pryjechaŭ dla ŭdziełu ŭ Kanfierencyi ŭ pytańniach biaśpieki.
Paźniej ukrainski prezident udakładniŭ:
«Vy viedajecie, što adbyvajecca ź biełarusami? Nichto nie zapiarečyŭ, nichto nie dumaje pra heta. Ale heta fakt. Užo ŭ hetym hodzie Rasija padrychtuje 15 dyvizij dla treniroŭki i ŭzmacnieńnia situacyi na biełaruskim kirunku. I my dumajem, što jany ŭsie buduć na terytoryi Biełarusi, albo častkova. Heta budzie, ja nie viedaju, 100-150 tysiač čałaviek. Heta prosta vialikaja hrupoŭka».
Pierajšoŭšy na anhlijskuju, Zialenski dadaŭ, što nie ŭpeŭnieny, što hetaja hrupoŭka pojdzie nastupam va Ukrainu. Pa jaho słovach, hetyja siły mohuć pajści ci ŭ Polšču ci ŭ krainy Bałtyi.
«Ja dumaju, što jon (Pucin — NN) rychtuje vajnu suprać krain NATA ŭ nastupnym hodzie. (…) Daj Boh, my spynim hetaha varjata, i ŭ nas nie budzie nijakaj vajny ŭ śviecie», — skazaŭ prezident Ukrainy i adznačyŭ, što dla spynieńnia Rasii nieabchodny harantyi biaśpieki dla Ukrainy.
Raniej ahienctva Reuters paviedamiła, što ŭviečary 14 lutaha Zialenski sustreniecca ź vice-prezidentam ZŠA Džej Dy Vensam i dziaržsakratarom ZŠA Marka Rubia.
Kanfierencyja pa biaśpiecy prachodzić u Miunchienie z 14 da 16 lutaha. Čakajecca, što ŭ joj voźmuć udzieł kala 60 kiraŭnikoŭ dziaržaŭ i ŭradaŭ, 150 ministraŭ z usiaho śvietu, a taksama kiraŭniki viadučych mižnarodnych arhanizacyj. U kanfierencyi ŭdzielničaje biełaruskaja delehacyja na čale ź Śviatłanaj Cichanoŭskaj.
-
Izrail likvidavaŭ kamandujučaha siłami śpiecyjalnaha pryznačeńnia KVIR Makadama, jakoha padazravali ŭ arhanizacyi zamachu na Trampa
-
Cyrymonija raźvitańnia z Chamieniei pieraniesiena «pa šmatlikich prośbach hramadzian»
-
Aktyŭny palityk ź idejami isłamskaj revalucyi, bolš radykalny, čym baćka. Chto taki Madžtaba Chamieniei
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka1
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary
Kokainom raśpiataja v mokrych bulvarach Moskvy?
Vašu tonkuju šiejku jedva prikryvajet horžietočka.
Obłysievšaja, mokraja vsia i śmiešnaja, kak Vy…" (s)