«Вы ведаеце, што адбываецца з беларусамі? Ніхто не запярэчыў, ніхто пра гэта не думае. Ужо ў гэтым годзе Расія падрыхтуе 15 дывізій для трэніроўкі і ўзмацнення сітуацыі на беларускім кірунку».
Прэзідэнт Украіны Уладзімір Зяленскі заявіў, што на сустрэчы з прэзідэнтам ЗША Дональдам Трампам хацеў бы абмеркаваць пытанне Беларусі.
«Думаю, што буду з прэзідэнтам Трампам гаварыць пра тое, што рускія збіраюцца зрабіць з Беларуссю. Мы гэта выразна усведамляем. Я думаю, заўтра будзе магчымасць пагаварыць пра гэта, можа, сёння яшчэ», — сказаў Уладзімір Зяленскі журналістам 14 лютага ў Мюнхене, куды ён прыехаў для ўдзелу ў Канферэнцыі ў пытаннях бясьпекі.
Пазней украінскі прэзідэнт удакладніў:
«Вы ведаеце, што адбываецца з беларусамі? Ніхто не запярэчыў, ніхто не думае пра гэта. Але гэта факт. Ужо ў гэтым годзе Расія падрыхтуе 15 дывізій для трэніроўкі і ўзмацнення сітуацыі на беларускім кірунку. І мы думаем, што яны ўсе будуць на тэрыторыі Беларусі, альбо часткова. Гэта будзе, я не ведаю, 100-150 тысяч чалавек. Гэта проста вялікая групоўка».
Перайшоўшы на англійскую, Зяленскі дадаў, што не ўпэўнены, што гэтая групоўка пойдзе наступам ва Украіну. Па яго словах, гэтыя сілы могуць пайсці ці ў Польшчу ці ў краіны Балтыі.
«Я думаю, што ён (Пуцін — НН) рыхтуе вайну супраць краін НАТА ў наступным годзе. (…) Дай Бог, мы спынім гэтага вар'ята, і ў нас не будзе ніякай вайны ў свеце», — сказаў прэзідэнт Украіны і адзначыў, што для спынення Расіі неабходны гарантыі бяспекі для Украіны.
Раней агенцтва Reuters паведаміла, што ўвечары 14 лютага Зяленскі сустрэнецца з віцэ-прэзідэнтам ЗША Джэй Ды Вэнсам і дзяржсакратаром ЗША Марка Рубіа.
Канферэнцыя па бяспецы праходзіць у Мюнхене з 14 да 16 лютага. Чакаецца, што ў ёй возьмуць удзел каля 60 кіраўнікоў дзяржаў і ўрадаў, 150 міністраў з усяго свету, а таксама кіраўнікі вядучых міжнародных арганізацый. У канферэнцыі ўдзельнічае беларуская дэлегацыя на чале з Святланай Ціханоўскай.
Цяпер чытаюць
Высветлілі, дзе адбываўся «допыт» каліноўца Васіля Грачыхі15
Каментары
Кокаином распятая в мокрых бульварах Москвы?
Вашу тонкую шейку едва прикрывает горжеточка.
Облысевшая, мокрая вся и смешная, как Вы…" (с)