Piać vysnoŭ ź Miunchienskaj kanfierencyi pa biaśpiecy, jakaja ŭvojdzie ŭ historyju
Epocha mižnarodnych adnosin u raniejšym vyhladzie zavieršana.
Karespandent Bi-bi-si pa pytańniach biaśpieki Frenk Hardnier piša, što ź Miunchienskaj kanfierencyi hetaha hoda treba vynieści piać hałoŭnych urokaŭ.
1. Epocha mižnarodnych adnosin u raniejšym vyhladzie zavieršana. U Jeŭropie bolš niama architektury biaśpieki, jakaja skłałasia paśla Druhoj suśvietnaj vajny. Amieryka ŭsio hetak ža ŭvachodzić u NATA, ale aŭtamatyčna raźličvać na toje, što ŭ vypadku vonkavaha napadu ZŠA pryjduć joj na dapamohu, Jeŭropa bolš nie moža.
2. Palityka bolšaj častki suśvietnaj supolnaści ŭ dačynieńni da Ukrainy kardynalna pierahledžana.
Zaklučyć ździełku, kab pakłaści kaniec vajnie va Ukrainie, ZŠA i Rasija źbirajucca niezaležna ad mierkavańnia z hetaj nahody samoj Ukrainy — dy i ŭsioj Jeŭropy ŭ cełym.
3. Tracić bolš treba ŭžo ciapier. Kali krainy Jeŭropy majuć namier i dalej strymlivać rasijski nacisk, jaki raście — i ŭ hetym bolšaść ekspertaŭ zhodnyja — im daviadziecca maksimalna chutka naraścić vydatki na abaronu.
4. Pramova Vensa.
Napadki vice-prezidenta ZŠA Džej Dzi Vensa na jeŭrapiejskuju palityku mnohija ŭdzielniki kanfierencyi paličyli abraźlivymi. Adnak mnohim ludziam pa abodva baki Atłantyki vystup Vensa pryjšoŭsia vielmi pa dušy, a prezident Donald Tramp navat nazvaŭ pramovu bliskučaj.
5. Ahulnaja raźjadnanaść i rost roznahałośsiaŭ.
Na siońniašni dzień pamiž pazicyjami Vašynhtona i Jeŭropy isnujuć vidavočnyja roznahałośsi pa cełym šerahu pytańniaŭ. Zrešty, členy kamandy Trampa niaredka supiarečać adzin adnamu i navat samim sabie.
Ciapier čytajuć
«Heta šlach adzinočki». Biełarus bolšuju častku žyćcia pravodzić u vandroŭkach — naviedaŭ užo amal 500 abjektaŭ JUNIESKA1
Kamientary
Kitaj - rulit !