Paźniak vitaje mahčymuju ździełku «vyzvaleńnie palitviaźniaŭ» u abmien na sankcyi
Zianon Paźniak vykazaŭsia z nahody vyzvaleńnia biełaruskich palitviaźniaŭ z dapamohaj amierykancaŭ i mahčymaj ździełki pamiž Łukašenkam i ZŠA, pa jakoj u abmien pa vypusk palitviaźniaŭ mohuć asłabić ci źniać častku sankcyj z kaliju i bankaŭ.
«Takim čynam, humanitarnaja sprava, raniej pačataja «Asacyjacyjaj svajakoŭ i kolišnich palitviaźniaŭ» (S. Mackievič, T. Chomič i inš.) i mnoj, Deputatam Niezaležnaści Paźniakom Zianonam Stanisłavavičam, i inšymi («Volnaja Biełaruś») na Novy 2024 hod, ab vyzvaleńni biełaruskich palitviaźniaŭ šlacham pieramovaŭ z režymam u abmien na spynieńnie škodnych dla Biełarusi i dla naroda ekanamičnych sankcyjaŭ, dała vyniki ŭžo letam 2024 hoda», — piša ŭ fejsbuku Paźniak, zhadvajučy, što pa pamiłavańni da kanca hoda vyjšli bolš za 200 čałaviek.
Jon dadaŭ, što administracyja Trampa acaniła «palityčnuju pravilnaść pieramoŭnaha padychodu».
«Nieŭzabavie apłočanyja palityčnyja hamunkułusy, jakija kryčali «dušyć Biełaruś ekanamičnymi sankcyjami», pačnuć na chadu pieraabuvacca. Toje, da čaho niazdolny Brusel, imhnienna vyrašaje Vašynhton», — piša Paźniak.
I prahnazuje, što na volu adpuściać i viadomych palitviaźniaŭ — Dzianisa Ivašyna, Paŭła Sieviarynca, Kaciarynu Andrejevu i inšych.
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły8
Kamientary