Biazdomny-erudyt, jaki źnik u Homieli, znajšoŭsia ŭ reanimacyi. Jon viadomy pa błohu papularnaha tyktokiera
Aleha šukali bolš za 10 dzion. Pra toje, što zdaryłasia, raskazaŭ błohier Anatol Rubakha Go.
17 hadovy błohier Anatol Rubakha Go atrymaŭ papularnaść u TikTok dziakujučy svajoj dabryni i dapamozie ludziam u składanych situacyjach. U svaich rolikach jon biare intervju ŭ biazdomnych, zadaje im školnyja pytańni na kruhahlad, a taksama kuplaje im pradukty i adzieńnie. Adzin ź jaho padapiečnych — biazdomny Aleh, samy erudziravany ŭdzielnik błoha.
Niadaŭna Aleh źnik. Mužčynu šukali bolš za dziesiać dzion. Pra heta ŭ videa raskazvaŭ jaho siabar Dzima, jaki ź im «chadziŭ i žyŭ». Jak vyśvietliłasia, Aleh trapiŭ u balnicu z surjoznymi prablemami ź lohkimi.
Błohier Anatol razam ź Viktoryjaj (toj samaj biazdomnaj žančynaj, jakoj jon abiacaŭ kupić kvateru) pryjšli ŭ kramu, kab nabyć pradmiety hihijeny dla Aleha.
«Nam dali nievialiki śpis, što treba ŭziać jamu. Tut pitnaja vada, butelečka z pailnikam, pampiersy dla darosłych, tualetnaja papiera, miaški dla śmiećcia, vilhotnyja survetki», — raskazaŭ chłopiec.
U raniejšym videa błohier raskazvaŭ, što apošnija niekalki miesiacaŭ u Aleha pačalisia prablemy z pamiaćciu.
«Jon nie pamiataje, što było ciapier. Naprykład, kali jamu skazać, kolki času i zapytacca praź niekalki chvilin kolki, jon zabyvaje, kaža, što nie viedaje. Taksama nie pamiataje, jaki ciapier miesiac, dzień. Ale ŭsie viedy, jakija ŭ jaho byli raniej, usio heta zachavałasia», — dzialiŭsia błohier.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j12
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Dziaŭčaty! šykujciesia ŭ čarhu pa mužyka!