U 2025 hodzie na bazie Rady Jeŭropy płanujuć stvaryć śpiectrybunał pa złačynstvach u ahresii Rasii suprać Ukrainy, piša «Jevropiejskaja pravda» i Deutsche Welle.
U stvareńni trybunała zadziejničana ŭžo 41 kraina. Jak adznačyŭ surazmoŭca «Jevropiejskoj pravdy», na hetym tydni na pasiedžańni ekśpierty zaćvierdzili prajekt.
«Heta faktyčna trybunał suprać Pucina. Trybunał budzie stvorany na bazie pahadnieńnia, jakoje Ukraina padpiša z Radaj Jeŭropy», — rastłumačyŭ jon.
Dla stvareńnia trybunała nieabchodna rašeńnie Kamiteta Ministraŭ Rady Jeŭropy. Dla hetaha treba, kab prajekt nabraŭ dźvie treci hałasoŭ. Paśla hetaha da pašyranaha pahadnieńnia zmohuć dałučycca inšyja dziaržavy.
Pa takim ža pryncypie ŭ Jeŭropie stvaraŭsia Rejestr strat ad vajny z Rasijaj — sumiesny prajekt ES i Ukrainy.
U kamientary dla Deutsche Welle Viarchoŭnaja pradstaŭnica ES pa zamiežnych spravach i palitycy biaśpieki Kaja Kałas adznačyła, što «kožnaja kraina zacikaŭlena ŭ tym, kab mižnarodnaje prava raźvivałasia dalej, i kab isnavali dakładnyja praviły dla pryciahnieńnia vinavatych da adkaznaści».
«My nie možam dapuścić, kab złačynstva ahresii zastałosia biespakaranym. Śpiectrybunał — heta taksama častka cisku na Pucina i jahony režym, kab jany spynili hetuju vajnu», — skazała jana.
-
Na froncie zahinuŭ suzasnavalnik UNA-UNSO i były palitviazień Kramla Mikoła Karpiuk
-
Try najbujniejšyja mietałurhičnyja zavody Ukrainy spynili pracu paśla rasijskich atak. Cełaja halina pramysłovaści akazałasia pad pahrozaj
-
Dron ci balistyka? Što heta za «Pielikan», jakim siońnia ŭkraincy atakavali Maskvu
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam8
Kamientary