Prezident ZŠA Donald Tramp paabiacaŭ uvieści myty na tavary ź Jeŭrasajuza. Adkazvajučy na pytańnie karespandenta Bi-bi-si pra terminy, jon skazaŭ, što heta adbudziecca «davoli chutka».
«Jany nie biaruć našy aŭtamabili, jany nie biaruć našu sielskahaspadarčuju pradukcyju. Jany amal ničoha nie biaruć, a my biarem usio: miljony aŭtamabilaŭ, vielizarnaja kolkaść praduktaŭ charčavańnia i sielskahaspadarčaj pradukcyi», — skazaŭ jon žurnalistam, dadaŭšy, što «ZŠA abdzirajuć praktyčna ŭsie krainy śvietu».
Havoračy ab mahčymaści ŭviadzieńnia pošlin u dačynieńni da Brytanii, Tramp zajaviŭ: «Heta moža adbycca».
Ab uviadzieńni pošlin na impart z Kanady, Mieksiki i Kitaja Tramp abviaściŭ u subotu. Ułady hetych krain zajavili pra hatoŭnaść uvieści miery ŭ adkaz. Jak raniej pisała ahienctva Bloomberg, u Jeŭrakamisii paabiacali žorstki adkaz u vypadku ŭviadzieńnia taryfaŭ.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary