Kit Kiełah, śpiecyjalny pasłańnik prezidenta ZŠA pa ŭrehulavańni kanfliktu va Ukrainie, u ekskluziŭnym intervju ahienctvu Reuters zajaviŭ, što administracyja Donalda Trampa choča, kab va Ukrainie sioleta adbylisia vybary i prezidenta, i parłamienta, asabliva kali ŭdasca dasiahnuć pieramirja z Rasijaj.
«Bolšaść demakratyčnych krain pravodziać vybary i ŭ vajenny čas. Ja dumaju, važna, kab jany pravodzilisia. Heta karysna dla demakratyi. U hetym pryhažość tryvałaj demakratyi, kali ŭ vybarach moža ŭdzielničać bolš za adnaho čałavieka», — cytuje Kiełoha Reuters.
Ukrainskaje zakanadaŭstva prama zabaraniaje pravodzić vybary, kali ŭ krainie dziejničaje vajennaje stanovišča, a jano było ŭviedziena ŭ dzień pačatku poŭnamaštabnaha rasijskaha ŭvarvańnia 24 lutaha 2022 hoda i z tych časoŭ nieadnarazova praciahvałasia.
Za hety čas farmalna skončylisia terminy paŭnamoctvaŭ jak prezidenta Uładzimira Zialenskaha, tak i deputataŭ Viarchoŭnaj Rady, abranych u 2019 hodzie. Kreml i inšyja vorahi Zialenskaha na padstavie hetaha lubiać śćviardžać, što jon nibyta straciŭ lehitymnaść.
Reuters taksama piša, spasyłajučysia na dźvie ananimnyja krynicy, što ZŠA mohuć nastajać na praviadzieńni vybaraŭ va Ukrainie ŭ jakaści adnoj z umoŭ pačatkovaha pieramirja.
«Pa słovach surazmoŭcaŭ, kali va Ukrainie adbuducca prezidenckija vybary, pieramožca moža być adkaznym za pieramovy z Maskvoj ab zaklučeńni doŭhaterminovaha pakta», — havorycca ŭ artykule.
Reuters taksama pryvodzić słovy ananimnaha byłoha zachodniaha čynoŭnika, jaki miarkuje, što skasavańnie vajennaha stanovišča i abviaščeńnie vybaraŭ destabilizuje krainu: mabilizavanyja sałdaty pakinuć šerahi USU, a mužčyny pryzyŭnoha ŭzrostu «pabiahuć za miažu». Akramia taho, heta razmyje ŭładu i ŭpłyŭ Zialenskaha, jaki napiaredadni vybaraŭ stanie «kulhavaj kačkaj».
Rejtynh prezidenta Ukrainy i tak užo daŭno nie taki vysoki, jak u pieršyja miesiacy vajny, tamu na vybarach u jaho buduć patencyjnyja mocnyja supierniki.
Na dumku surazmoŭcy Reuters, padšturchoŭvajučy Ukrainu da vybaraŭ, «Tramp reahuje […] na sihnały zvarotnaj suviazi ad Rasii. Rasija choča, kab ź Zialenskim było skončana».
Tramp daručyŭ svajmu śpiecpradstaŭniku zaviaršyć vajnu va Ukrainie za 100 dzion
Abiacanych Trampam chutkich mirnych pieramoŭ pa Ukrainie nie atrymajecca
Što praduhledžvaje mirny płan budučaha śpiecpradstaŭnika Trampa pa Ukrainie
«Zaleź nazad u svaju skrynku». Cpiecpradstaŭnik Trampa pa Ukrainie pastaviŭ na miesca kramloŭskaha miljardera Małafiejeva
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia19
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary