Śviet77

Tramp daručyŭ svajmu śpiecpradstaŭniku zaviaršyć vajnu va Ukrainie za 100 dzion

Prezident ZŠA daručyŭ svajmu śpiecyjalnamu pradstaŭniku pa pytańniach Ukrainy i Rasii, hienierału ŭ adstaŭcy Kitu Kiełahu, dabicca zaviaršeńnia vajny Rasii suprać Ukrainy na praciahu 100 dzion, piša hazieta The Wall Street Journal.

Kit Kiełah. Fota: Mariam Zuhaib / AP

«Praktyčna nichto nie dumaje, što jon zmoža heta zrabić, asabliva rasijanie», — kanstatujuć aŭtary.

Pry hetym, zhodna z publikacyjaj, naziralniki miarkujuć, što Donald Tramp maje namier asabista kantralavać pieramovy pa Ukrainie. «Kiełah budzie kansultavać jaho pa pieramovach, ale daloka nie vidavočna, što Tramp maje patrebu ŭ paradach», — adznačaje WSJ.

Žurnalisty źviartajuć uvahu, što zaklučeńnie ździełki z prezidentam RF Uładzimiram Pucinym akažacca značna bolš składanym, čym dumaŭ Tramp, kali padčas vybarčaj kampanii abiacaŭ spynić vajnu va Ukrainie za 24 hadziny paśla viartańnia ŭ Bieły dom.

Sam Kiełah jašče da inaŭhuracyi Trampa, u pačatku studzienia 2025 hoda, zajaviŭ u efiry telekanała Fox News, što chacieŭ by znajści rašeńnie dla ŭrehulavańnia vajny va Ukrainie za 100 dzion. Adnak užo tady ekśpierty nazvali hetaje imknieńnie nierealistyčnym, piša Deutsche Welle.

Płan Kiełaha dla zaviaršeńnia vajny va Ukrainie

U krasaviku minułaha hoda Kit Kiełah vystupiŭ suaŭtaram płana zaviaršeńnia vajny va Ukrainie, raspracavanaha pratrampaŭskim Instytutam palityki «Amieryka pieradusim» (AFPI). Meta płana — zaachvocić Ukrainu i Rasiju jak maha chutčej pačać mirnyja pieramovy, vykarystoŭvajučy roznyja ryčahi ŭpłyvu — «mietad puhi i piernika».

Zhodna z płanam, Ukraina, u vypadku admovy ad udziełu ŭ pieramovach, ryzykuje sutyknucca ź istotnym skaračeńniem vajennaj dapamohi z boku ZŠA. U svaju čarhu, Rasija, u vypadku niežadańnia iści na ździełku, sutykniecca z uzmacnieńniem padtrymki Kijeva z boku Vašynhtona.

Ukraincy, zdajecca, vierać, što pieramoha Donalda Trampa na vybarach u ZŠA nabližaje zaviaršeńnie bajavych dziejańniaŭ u ich krainie. Pavodle danych apytańnia Kijeŭskaha mižnarodnaha instytuta sacyjałohii (KMIS), praviedzienaha ŭ śniežni minułaha hoda, 45 pracentaŭ žycharoŭ Ukrainy ličać, što pieramoha Trampa «trochi» abo «značna» nabližaje spynieńnie ahniu. U tym, što vyniki vybaraŭ u ZŠA addalajuć pieramirje, upeŭnieny tolki 14 pracentaŭ ukraincaŭ.

Kamientary7

  • .
    22.01.2025
    Nazirajcie za rukami:
    1. Jak 1 dzień pieratvaryŭsia ŭ 100.
    2. I adkazny za heta nie toj, chto abiacaŭ, a niejki inšy. Kali što, śpišuć niaŭdaču na taho śpiecpradstaŭnika.

    Niama soramu. Ni ŭ Trampa, ni ŭ tych, chto pavieryŭ vidavočnaj chłuśni i zaraz budzie kazać, što ŭ vačach u vušach božaja rasa.
  • Čubaty hviazdaboł
    22.01.2025
    Fokus-pokus :) I heta tolki pačatak. Pa bolšaści abiacanak u vyniku budzie pšyk.
  • Karcina masłam!
    22.01.2025
    ., a praz 100 dzion śpišuć na ahienturu i biurakratyju. I na jakuju-niebudź "hiermaniju", jakaja čamuści viečna nie robić taho, čaho zakarcieła našamu hieniju.
    Kropka, my nie amierykancy, pačuć padobnaje ci ž nam pieršynia!

Ciapier čytajuć

Zakančvajecca termin daŭniny pa narodnym pratesnym artykule. Bolš nikoha nie pasadziać? Nie, jość niuansy9

Zakančvajecca termin daŭniny pa narodnym pratesnym artykule. Bolš nikoha nie pasadziać? Nie, jość niuansy

Usie naviny →
Usie naviny

«Mała što ŭ internecie pišuć». Vykładčyk, jakoha abvinavacili ŭ damahańniach, praciahnie pracavać u ansambli «Biełaja Ruś»15

Jak miedsiastra z Barysava adpačyvaje amal biez hrošaj5

Tajvań choča adarvać svaju ekanomiku ad Kitaja. Nakolki heta realna?2

Pravaabaroncy: Siłaviki masava zatrymlivajuć biełarusaŭ, što trapili ŭ kadry dakumientalnaha filmu pra pratesty11

«My pracujem, kab vyzvaleńni stali sistemnymi, a nie sparadyčnymi». Viačorka adkazaŭ Kraŭcovu13

Biełaruskija školniki stvaryli dziciačy błakpost na miažy z Ukrainaj. U ich savieckija našyŭki i miedal «udzielnika SVA»58

Paŭtorna aryštavali adnaho z pačynalnikaŭ biełaruskamoŭnaha ŽŽ Ivana Marozava. Jon vyzvaliŭsia z kałonii viasnoj 2024

Vychavany i zakonapasłuchmiany hołub pierajšoŭ darohu na zialonaje śviatło VIDEA6

«Hanna adkazała: «Tak!» Vital Hurkoŭ zrabiŭ prapanovu ruki i serca. Chto ž niaviesta?35

bolš čytanych navin
bolš łajkanych navin

Zakančvajecca termin daŭniny pa narodnym pratesnym artykule. Bolš nikoha nie pasadziać? Nie, jość niuansy9

Zakančvajecca termin daŭniny pa narodnym pratesnym artykule. Bolš nikoha nie pasadziać? Nie, jość niuansy

Hałoŭnaje
Usie naviny →

Zaŭvaha:

 

 

 

 

Zakryć Paviedamić