Свет77

Трамп даручыў свайму спецпрадстаўніку завяршыць вайну ва Украіне за 100 дзён

Прэзідэнт ЗША даручыў свайму спецыяльнаму прадстаўніку па пытаннях Украіны і Расіі, генералу ў адстаўцы Кіту Келагу, дабіцца завяршэння вайны Расіі супраць Украіны на працягу 100 дзён, піша газета The Wall Street Journal.

Кіт Келаг. Фота: Mariam Zuhaib / AP

«Практычна ніхто не думае, што ён зможа гэта зрабіць, асабліва расіяне», — канстатуюць аўтары.

Пры гэтым, згодна з публікацыяй, назіральнікі мяркуюць, што Дональд Трамп мае намер асабіста кантраляваць перамовы па Украіне. «Келаг будзе кансультаваць яго па перамовах, але далёка не відавочна, што Трамп мае патрэбу ў парадах», — адзначае WSJ.

Журналісты звяртаюць увагу, што заключэнне здзелкі з прэзідэнтам РФ Уладзімірам Пуціным акажацца значна больш складаным, чым думаў Трамп, калі падчас выбарчай кампаніі абяцаў спыніць вайну ва Украіне за 24 гадзіны пасля вяртання ў Белы дом.

Сам Келаг яшчэ да інаўгурацыі Трампа, у пачатку студзеня 2025 года, заявіў у эфіры тэлеканала Fox News, што хацеў бы знайсці рашэнне для ўрэгулявання вайны ва Украіне за 100 дзён. Аднак ужо тады эксперты назвалі гэтае імкненне нерэалістычным, піша Deutsche Welle.

План Келага для завяршэння вайны ва Украіне

У красавіку мінулага года Кіт Келаг выступіў суаўтарам плана завяршэння вайны ва Украіне, распрацаванага пратрампаўскім Інстытутам палітыкі «Амерыка перадусім» (AFPI). Мэта плана — заахвоціць Украіну і Расію як мага хутчэй пачаць мірныя перамовы, выкарыстоўваючы розныя рычагі ўплыву — «метад пугі і перніка».

Згодна з планам, Украіна, у выпадку адмовы ад удзелу ў перамовах, рызыкуе сутыкнуцца з істотным скарачэннем ваеннай дапамогі з боку ЗША. У сваю чаргу, Расія, у выпадку нежадання ісці на здзелку, сутыкнецца з узмацненнем падтрымкі Кіева з боку Вашынгтона.

Украінцы, здаецца, вераць, што перамога Дональда Трампа на выбарах у ЗША набліжае завяршэнне баявых дзеянняў у іх краіне. Паводле даных апытання Кіеўскага міжнароднага інстытута сацыялогіі (КМІС), праведзенага ў снежні мінулага года, 45 працэнтаў жыхароў Украіны лічаць, што перамога Трампа «трохі» або «значна» набліжае спыненне агню. У тым, што вынікі выбараў у ЗША аддаляюць перамір'е, упэўнены толькі 14 працэнтаў украінцаў.

Каментары7

  • .
    22.01.2025
    Назірайце за рукамі:
    1. Як 1 дзень ператварыўся ў 100.
    2. І адказны за гэта не той, хто абяцаў, а нейкі іншы. Калі што, спішуць няўдачу на таго спецпрадстаўніка.

    Няма сораму. Ні ў Трампа, ні ў тых, хто паверыў відавочнай хлусні і зараз будзе казаць, што ў вачах у вушах божая раса.
  • Чубаты гвяздабол
    22.01.2025
    Фокус-покус :) І гэта толькі пачатак. Па большасці абяцанак у выніку будзе пшык.
  • Карціна маслам!
    22.01.2025
    ., а праз 100 дзён спішуць на агентуру і бюракратыю. І на якую-небудзь "германію", якая чамусьці вечна не робіць таго, чаго закарцела нашаму генію.
    Кропка, мы не амерыканцы, пачуць падобнае ці ж нам першыня!

Цяпер чытаюць

Раман Пратасевіч асвоіў прафесію бармена і адшукаў працу. Вось у якім бары можна яго знайсці6

Раман Пратасевіч асвоіў прафесію бармена і адшукаў працу. Вось у якім бары можна яго знайсці

Усе навіны →
Усе навіны

«Прыязджаеш без офера — будзе цяжка». Айцішнік-сеньёр працуе ў швейцарскім банку. Вось як да гэтага ішоў7

Загінуў камандзір 155-й брыгады, вайскоўцаў якой абвінавачвалі ў забойствах жыхароў Бучы8

Стала вядома, па якім механізме спісваліся грошы з банкаўскіх картак беларусаў падчас маштабнага збою7

У Мінску прадаецца кватэра з рэальна ўнікальным відам з ванны8

На МТЗ працуюць 142 замежнікі з Бурундзі, Конга, Камеруна, Малі і Нігерыі15

Зноў да +30. Надвор'е на выходныя3

«Я ўжо развітвалася з мужам, баялася больш не пабачыцца». У беларускі ў 26 гадоў здарыўся інсульт13

Гісторыка, які працаваў у ваенкамаце ў Мастах, асудзілі па цэлым пакеце палітычных артыкулаў3

Беларускі самалёт абстраляла расійская СПА, прыняўшы за ўкраінскі дрон? Не, гэта няпраўда2

больш чытаных навін
больш лайканых навін

Раман Пратасевіч асвоіў прафесію бармена і адшукаў працу. Вось у якім бары можна яго знайсці6

Раман Пратасевіч асвоіў прафесію бармена і адшукаў працу. Вось у якім бары можна яго знайсці

Галоўнае
Усе навіны →

Заўвага:

 

 

 

 

Закрыць Паведаміць