Z 1 lutaha ZŠA ŭvodziać vysokija myty suprać tavaraŭ z Kitaja, Kanady i Mieksiki
Bieły dom paviedamiŭ, što prezident ZŠA Donald Tramp maje namier strymać pieradvybarčaje abiacańnie i z 1 lutaha ŭvodzić vysokija myty suprać dvuch najbližejšych svaich susiedziaŭ i Kitaja. Heta moža mieć niepradkazalnyja nastupstvy dla suśvietnaj ekanomiki.
U administracyi Donalda Trampa padkreślili, što jon zachavaje krajni termin 1 lutaha, ustalavany raniej dla ŭviadzieńnia mytaŭ, niahledziačy na mahčymyja ekanamičnyja nastupstvy.
«Ja mahu paćvierdzić, što zaŭtra, 1 lutaha, uvojdzie ŭ dziejańnie pastanova prezidenta Trampa, pra jakuju jon zajaviŭ niekalki tydniaŭ tamu», — zajaviła pres-sakratarka Biełaha doma Kerałajn Levit.
Pavodle jaje słoŭ, taryfy składuć: 25% dla Mieksiki i Kanady, 10% dla Kitaja.
«Prezident vykonvaje dadzienyja im abiacańni», — dadała Levit.
Jana admoviłasia padać dadatkovyja detali, u tym liku ci buduć taryfy raspaŭsiudžvacca na impart nafty i ci mahčymyja vyklučeńni dla niekatorych tavaraŭ.
Premjer Kanady Trudo zaklikaŭ svaich hramadzian rychtavacca da ciažkich časoŭ praz uviadzieńnie Trampam mytaŭ suprać kanadskich tavaraŭ užo z 1 lutaha. Jon taksama pryhraziŭ amierykancam «mocnym i nieadkładnym adkazam»:
«Ja nie budu chavać heta — naša nacyja moža sutyknucca ź ciažkimi časami ŭ bližejšyja dni i tydni. Dla nas nastupiŭ krytyčny momant. Jak zajaviŭ prezident Tramp, jon pa-raniejšamu hatovy ŭstalavać taryfy suprać Kanady, mahčyma, užo z zaŭtrašniaha dnia», — zajaviŭ Trudo.
«My nie viedajem dakładna, jak heta moža być, ale ja viedaju dźvie rečy: pieršaje, kali Tramp vyrašyć uvieści jakija-niebudź myty suprać Kanady, to my hatovyja dać adkaz — źmiastoŭny, mocny, ale razumny nieadkładny adkaz. My hetaha nie chočam, ale kali jon zrobić krok napierad, my taksama budziem dziejničać. My hatovyja da luboha scenaru», — dadaŭ kanadski premjer.
«Lepiej z hoładu zdochnu». Kavieryn i «Obyčnoje utro» zastalisia biez hrošaj, ale jon rady spynieńniu amierykanskaha finansavańnia. Voś čamu
Tramp pahražaje krainam BRIKS 100-pracentnymi pošlinami
Dziaržsakratar ZŠA: Niapravilna było dazvolić ludziam pavieryć u toje, što Ukraina zdolnaja nanieści parazu Rasii
Tramp vyšle studentaŭ, što padtrymali napad CHAMAS na Izrail
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary