«Lepiej z hoładu zdochnu». Kavieryn i «Obyčnoje utro» zastalisia biez hrošaj, ale jon rady spynieńniu amierykanskaha finansavańnia. Voś čamu
Biełaruski błohier Daroha ahučyŭ u fejsbuku zmročny prahnoz taho, što čakaje biełaruskija ŚMI i kulturnyja inicyjatyvy paśla taho, jak Tramp prypyniŭ amierykanskuju finansavuju dapamohu inšym krainam. U kamientaryi pryjšoŭ viadučy «Obyčnoho utra» Kanstancin Kavieryn.
Praz toje, što Donald Tramp prypyniŭ finansavuju dapamohu ad ZŠA inšym krainam, šmat biełaruskich inicyjatyŭ — ad błohieraŭ da kulturnickich prajektaŭ — zastalisia biez hrošaj.
Błohier Daroha ličyć, što vynik hetaha moža być vielmi sumnym dla ŭsiaho biełaruskaha hramadstva. Jon ličyć, što moža pamierci nie tolki niezaležnaja žurnalistyka, ale i roznyja kulturnickija, aśvietnickija dy inšyja arhanizacyi — tyja, što cudam acaleli paśla tatalnaj začystki ŭ Biełarusi i adnavili svaju dziejnaść u zamiežžy.
Kali heta adbudziecca, adnavić ich u bližejšaj pierśpiektyvie budzie amal što niemahčyma:
— Raniej usiu hetuju humanitarnuju supolnaść žyviła znachodžańnie ŭ Biełarusi i mahčymaść dziejničać u toj ci inšaj stupieni lehalna. Była mahčymaść papaŭniać svaje šerahi, hadavać kadry, a taksama praktykavacca ŭ rodnym asiarodździ. Ciapier hetkich mahčymaściaŭ niama ad słova «zusim». U zamiežžy kadraŭ nie budzie — za redkimi adzinkavymi vyniatkami, jakija buduć adno paćviardžać ahulnaje praviła: hadavać niama jak i niama z kaho, pierabirać z usio mienšych kolkasna tych, chto jość, niama jak, — napisaŭ jon u fejsbuku.
Błohier zaklikaje biełarusaŭ uśviadomić, što historyja sa strataju finansavańnia adabjecca nie tolki na miedyja, a zakranie našmat šyrejšaje koła i ŭ vyniku paŭpłyvaje na kožnaha.
U kamientaryjach źjaviŭsia viadučy «Obyčnoho utra» Kanstancin Kavieryn. Jon, jak prychilnik Trampa, napisaŭ, što ličyć pravilnym prypynieńnie finansavańnia:
— Z kožnym miljonam na niezaležnyja ŚMI Biełarusi vydavalisia 10 na nieščaślivych, jakija padtrymlivajuć CHAMAS. Tamu… Viedajecie, lepiej ja z hoładu padochnu (taksi, Žabka, Makdonalds — nie pryncypova), ale mienš vyradkaŭ padarvie siabie dzieści ŭ bujnych haradach Jeŭropy. I mienš narmalnych ludziej atruciacca ichnim paradkam dnia.
«Naša Niva» paprasiła Kanstancina Kavieryna bolš padrabiazna raspavieści pra svoj pohlad na situacyju, ale toj admoviŭsia i pryznaŭsia, što napisaŭ toj kamientaryj na emocyjach.
«Obyčnoje utro» krok Trampa taksama zakranuŭ. Jutub-prahrama straciła finansavańnie. Jaje viadučyja dajuć sabie dva miesiacy na pošuk novych krynic i prosiać hledačoŭ, jakim važny prajekt, padtrymać kalektyŭ u hety čas.
Za try dni prahrama sabrała bolš za 14 tysiač jeŭra i praciahnie svaju pracu ŭ lutym.
«Tolki ad vas zaležyć, ci budziem my vychodzić u efir». «Obyčnoje utro» prosić dapamohi
«Abažaju hetaje lavackaje dziarmo». Kavieryn nahavaryŭ u efiry takoje, što hledačy ŭ šoku
Jutub-šou «Obyčnoje utro» pakinuła viadučaja. Chto staŭ novaj?
«Ja ŭsio ž taki biełarus». Historyi ruskamoŭnych ludziej, jakija ŭ apošnija hady pierajšli na biełaruskuju movu
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1818
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes18
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary