Łukašenka pryznaŭsia, što vinšavaŭ Zianona Paźniaka ź jubilejem
U Biełarusi nivodnuju partyju nikoli nie hnabili, navat BNF. Pra heta Alaksandr Łukašenka zajaviŭ žurnalistam paśla hałasavańnia na prezidenckich vybarach.
Łukašenka zajaviŭ žurnalistam pra partyjnuju svabodu ŭ Biełarusi.
«Tamu što ŭ adzinaj krainie na postsavieckaj prastory, u Biełarusi, my ni adnu partyju nikoli nie hnabili. Navat Biełaruski narodny front. Navat Zianona Paźniaka, čyj punkt hledžańnia całkam adroźnivajecca ad majho», — zajaviŭ Łukašenka.
Jon pryznaŭsia, što vinšavaŭ Paźniaka ź jubilejem niadaŭna.
«I pryznaju, što heta sapraŭdny revalucyjanier, — skazaŭ Alaksandr Łukašenka i dadaŭ. — Kali b taja palityka, jakuju jany pravodzili ŭ siaredzinie 90-ch, my b užo daŭno vajavali z vami. Ale my navat ich nie cisnuli. Tym bolš kamunistaŭ. U našych ciapierašnich kamunistaŭ heta naohuł palityka spraviadlivaści, heta naša palityka. Čaho jany suprać mianie buduć hałasavać?»
U Biełarusi byli likvidavany ŭsie apazicyjnyja partyi. Paśla 2020 hoda ŭ Biełarusi z 15 zastalisia tolki čatyry palityčnyja partyi — Libieralna-demakratyčnaja partyja Biełarusi, Kamunistyčnaja partyja Biełarusi, Respublikanskaja partyja pracy i spraviadlivaści i novaja «Biełaja Ruś».
Ciapier čytajuć
Vaziŭ nataŭcaŭ u Afhanistan i skidvaŭ humanitarku ŭ Sudanie, a potym trapiŭ u turmu pa danosie siabra z Ukrainy4
Kamientary