Paźniak zajaviŭ, što Łukašenka pavinšavaŭ jaho ź jubilejem. Jak heta było?
Niekalki dzion tamu Zianon Paźniak zajaviŭ, što Alaksandr Łukašenka nibyta pavinšavaŭ jaho z 80-hadovym jubilejem. «Lusterka» spytała ŭ palityka, što było ŭ hetym liście, jakim čynam jon pryjšoŭ i jak jon sam usio heta ŭspryniaŭ.
Zianon Paźniak spačatku admoviŭsia kamientavać svaju publikacyju, zajaviŭšy, što ŭsio, što chacieŭ skazać, užo apublikavaŭ. Ale potym dadaŭ niekalki detalaŭ.
«Vinšavańnie [było] pa dypłamatyčnaj pošcie z usimi patrabavańniami. Pavinšavaŭ spadar Łatuška i spadar Łukašenka, jakija źjaŭlajucca maimi palityčnymi praciŭnikami. Heta śviedčyć, što ŭ ich jość palites, uzrovień palitesu», — raskazaŭ palityk, udakładniŭšy, što raniej vinšavańniaŭ ad Łukašenki nie atrymlivaŭ, «u hetym hodzie tolki».
Praciahvać razmovu paśla hetaha Paźniak admoviŭsia, paŭtaryŭšy, što ŭsia infarmacyja była apublikavanaja ŭ jaho telehram-kanale.
Były dypłamat Pavieł Macukievič ličyć, što inicyjatyva vinšavańnia Łukašenkam Zianona Paźniaka naŭrad ci pachodziła ad ambasady Biełarusi ŭ Polščy.
«Ujavić takoje mnie, ščyra kažučy, składana. Što tyčycca inicyjatyvy, tut mahčymyja varyjanty. Jana mahła zychodzić ad administracyi Łukašenki, kali takoje pasłańnie sapraŭdy było, — kaža jon. — Tamu što kali jon kahości aficyjna vinšuje, pra heta paviedamlajecca na jaho sajcie i na BiełTA. Naprykład, jak było ź vinšavańniem Kiebiča z 80-hodździem.
A sam praces nie ŭjaŭlaje vialikaj składanaści abo zahadki. Kali takoje pasłańnie było, to, chutčej za ŭsio, jaho spačatku pieradali z administracyi ŭ biełaruskaje MZS, adtul u ambasadu Biełarusi ŭ Varšavie. Dalej heta ŭžo hałaŭny bol ambasady: adšukać Paźniaka i pieradać jamu list. Dumaju, heta nie składaje vialikaj pracy, pakolki jaho kantakty nie źjaŭlajucca tajamnicaj».
Try pamyłki Paźniaka, u vyniku jakich historyja Biełarusi pajšła tak, jak pajšła
«Paśla kampramisu z kamunistami Paźniak nie zdoleŭ by ŭtrymacca na čale BNF». Navumčyk adkazvaje na artykuł u «NN»
«Ja ž dumaŭ, što havaru pa-rusku, a mianie ni ŭ vodny teatralny nie ŭziali». Zianon Paźniak — pra junactva, miemy pra siabie i jak pastaviŭ Łukašenku na miesca
Ci mahła b Biełaruś stać niezaležnaj biez Paźniaka?
Ciapier čytajuć
«Pra niešta my nie havorym, pamoŭčvajem». Łukašenka ź ciažkaściu havaryŭ, ale nastrojvaŭ hienierałaŭ na baraćbu za mir da apošniaj kropli kryvi4
«Pra niešta my nie havorym, pamoŭčvajem». Łukašenka ź ciažkaściu havaryŭ, ale nastrojvaŭ hienierałaŭ na baraćbu za mir da apošniaj kropli kryvi
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4545
Kamientary