Upieršyniu biełarus budzie hulać u vyšejšym amierykanskim futbolnym dyvizijonie
18-hadovy biełaruski hałkipier Stanisłaŭ Łapkies padpisaŭ prafiesijny kantrakt z kłubam amierykanskaj MŁS (Vyšejšy futbolny dyvizijon) «Kałambus Kru».
Łapkies źjaŭlajecca vychavancam Akademii hetaha ž kłuba i raniej vystupaŭ za druhuju kamandu, piša football.by.
«Heta vialiki honar padpisać kantrakt z «Kałambus Kru». Heta było zachaplalnaje padarožža: praz Akademiju, druhuju kamandu… Chacieŭ by padziakavać svajoj siamji, a taksama ŭsim trenieram i supracoŭnikam, jakija dapamahli mnie na hetym šlachu. Ja ŭ zachapleńni ad budučyni, jakaja čakaje mianie tut, u «Kałambusie», — pryvodzić słovy Łapkiesa aficyjny sajt amierykanskaha kłuba.
Damova raźličana da 2027 hoda i maje opcyju aŭtamatyčnaha padaŭžeńnia da 2029-ha.
«Stas — talenavity małady hulec, jaki imkniecca ŭdaskanalvacca na kožnym etapie svajho raźvićcia. Jaho enierhija i pazityŭny nastroj vydatna ŭpisvajucca ŭ hrupu našych varataroŭ. Heta zasłuha i Stasa, i našaha kłuba, što my možam vitać jašče adnaho hulca našaj Akademii ŭ pieršaj kamandzie. Usia naša praca nacelena na vyjaŭleńnie najlepšych talentaŭ i ich raźvićcio, i my ź nieciarpieńniem čakajem praciahu pracy sa Stasam, pakolki jon robić hety važny nastupny krok u svajoj prafiesijnaj karjery», — adznačyŭ hienieralny mieniedžar «Kałambusa» Isa Toł.
Ź siezona 2023/24 Łapkies pravioŭ 35 matčaŭ za «Kołambus Kru-2», u jakich ździejśniŭ 148 sejvaŭ. Jon taksama pryciahvaŭsia ŭ asnoŭnuju kamandu.
Čarhovy čempijanat u ZŠA startuje 22 lutaha.
Baćka Stasa — viadomy biełaruski fiechtavalščyk Dźmitryj Łapkies, jaki pradstaviŭ našu krainu na čatyroch Alimpijadach.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie15
Kamientary