Spravu rasijskaha palitołaha Suzdalcava ab paklopie na Łukašenku viarnuli na daśledavańnie ŭ prakuraturu
Paśla čarhovaha pieranosu sudovaha pasiadžeńnia spravu rasijskaha palitołaha Andreja Suzdalcava ab paklopie na Alaksandra Łukašenku viarnuli na daśledavańnie ŭ prakuraturu. Pra heta sam Suzdalcaŭ paviedamiŭ ludziam, jakija pryjšli da budynku suda padtrymać jaho, piša SOTA.
U krasaviku minułaha hoda ŚMI paviedamili ab zatrymańni Suzdalcava ŭ Maskvie. Paźniej vyśvietliłasia, što na palitołaha zaviali kryminalnuju spravu pa abvinavačvańni ŭ paklopie na Łukašenku.
Sudovyja pasiadžeńni pa hetaj spravie prachodzili ŭ zakrytym ad presy i słuchačoŭ režymie.
Suzdalcaŭ — rasijski palitołah, palityčny kamientatar pa biełaruskaj tematycy. Jon naradziŭsia va Uładzivastoku, u pačatku 1990-ch ažaniŭsia ź biełaruskaj i pierajechaŭ u Biełaruś, dzie staŭ razhortvać prarasijskuju dziejnaść u asiarodku demakratyčnaj apazicyi.
U 2006 hodzie jon byŭ pazbaŭleny dazvołu na žycharstva i vysłany z krainy. Pavodle aficyjnaj farmuloŭki, Suzdalcaŭ staviŭ «pad pahrozu nacyjanalnuju biaśpieku Biełarusi».
Paśla departacyi Suzdalcaŭ asieŭ u Maskvie, dzie staŭ namieśnikam dekana fakulteta suśvietnaj ekanomiki Vyšejšaj škoły ekanomiki.
U kancy sakavika staronka palitołaha Andreja Suzdalcava źnikła z sajta Vyšejšaj škoły ekanomiki, imavierna, praź pieraśled biełaruskimi ŭładami.
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień12
Kamientary